Nihimyas 9:15 - Hanunuu

¹⁵ Pagka linun-us sida, pinakan-an nimu sida karan-unun ginan sa langit, pagka inuwaw, pinainum nimu danum ginan sa batu. Sinabihan nimu sida sulda ag apuun ti daga kanmu itinaratu kuntay ipakaun nimu sa kanda.

Nihimyas 9:15 Iomraidhean Croise

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

Nihimyas 9:20

Ipinakaun nimu kanmu mayad pag Ispiritu hampay magtudlu sa kanda. Parargu nimu sida pagpakan-un mana, hanggan pinakan-an danum nu magkauwaw sida.

Kanta 114:8

imaw ti nagbuwat maganit pag batu hampay bumaliw tipunan danum ag bumaliw bulbugan magbulus.

Pag-ighit 16:4

Magkun ti Panginuun sa kan Muysis, “Pagpatingi kawu! Pumauran aku karan-unun ginan sa langit para sa kanyu. Kada sirang, mamunpun ti manga Israilita kanda karan-unun sa tunda lang pag sirang. Siyun pag makitan niku nu sundun nida ngatay unman kang manga sugu.

Pag-ighit 17:3

Dapat magkauwaw yi ti manga tawu ati, nakan parargu ti riklamu nida sa kan Muysis. Magkun sida, “Hayga kanmu waya kami ipinalwas sa Ihiptu? Mamatay lang waydi maaw kami sitay sa uwaw hanggan kanmi manga anak ag manga hayup.”

Pag-ighit 17:6

Alagdun kawu niku ati sa may batu Hurib. Nu ati yi kawu, hampaka ti batu, ag lumuwang ti danum inmun manga tawu.” Ag binuwat ngani inda ni Muysis sa atubangan manga paggurangunun sa Israil.

Pag-ighit 6:8

Darahun niku kamu sa kang itinaratu pag daga ipakaun sa kanda ni Abraham, ni Isaak ag ni Hakub. Ipakaun niku inda sa kanyu agud kanyu maapu. Aku ti Panginuun.’ ”

Isayas 48:21

Balaw sida inuwaw igu giniyahan Diyus sa manga pangawakawaan, dahil pinabulus niya ti danum ginan sa batu para sa kanda. Binuswang niya ti batu ag binmulus ti danum.

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Isikil 20:15

Dapat nagsumpa aku sa kanda ati sa pangawakawaan balaw niku sida daran-un sa daga ipinakaun niku sa kanda — ti daga marinu ag abunda, ti pinakamarinu pag daga sa tanan.

Bilang 14:30

ti makaslud sa kang itinaratu iayaw sa kanyu pag daga kanyu ulian, purya lang sa kan Kalib anak ni Hipuni hanggan sa kan Huswi anak ni Nun.

Diyuturunumiyu 1:21

Bantayi niyu ti inayaw niya pag daga sa kanyu! Apuun niyu inda angay sa sinabi Panginuun, ti Diyus niyu manga ginurang. Danga kamu magkadala ngatay magpanlumuy.’

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 8:3

Ipinakumbaba niya kamu sa panab-anan pagpalun-us sa kanyu bag-u pinakan-an niya kamu mana — usa ka kalasi karan-unun unman waya gid niyu nasamitan una hanggan niyu manga ginurang. Binwat inda Panginuun hampay itudlu sa kanyu balaw lang sa karan-unun pag magkabuhi ti tawu, nu unman sa kada bagaw Panginuun.