Nihimyas 9:14 - Hanunuu

¹⁴ Itinudlu nimu sa kanda ti kailangan buwatun tungkul sa Sirang Pamahari. Ag sinugu nimu sida sa panab-anan nimu manugsirbi sa kan Muysis, kuntay tupada kanmu manga sugu, manga surundanun, hanggan manga pag-itudlu.

Nihimyas 9:14 Iomraidhean Croise

Gimpuunan 2:3

Pinapaladan niya ti ikapitu pag sirang ag binwat banal, dahil sa tunda pag sirang nagpahari siya igu namhan niya ti tanan.

Nihimyas 1:8

“Alalahana duy nimu kanmu sinabi kaybi sa kan Muysis magkun: ‘Nu kamu pag manga Israilita balaw magmatinupadun sa kangku, wayakun niku kamu sa tuhay-tuhay pag manga nasyun.

Nihimyas 10:32

Nagtaratu waya gid kami kuntay tupadun nimi ti sugu pumakaun kami kada timpu upat ka guhit pilak para sa buruwatun sa Balay Diyus nimi Diyus.

Pag-ighit 16:23

Magkun si Muysis sa kanda, “Pag-isugu Panginuun pagpahari kamu aldaw dahil inda ti Sirang Pamahari, banal pag sirang para sa Panginuun. Nakan tamaa yi ti gustu niyu tamaun, ag gulaya ti gustu niyu gulayun. Ti masawad alistuhan para aldaw surip.”

Pag-ighit 16:29

Alalahana niyu pinakan-an niku kamu Sirang Pamahari, nakan kada ikan-um pag sirang pagdublihun niku kanyu karan-unun. Kailangan pumirmaminti sa kay ulian ti kada usa sa ikapitu pag sirang. Unman may lumuwas hampay mam-ul karan-unun.”

Pag-ighit 24:12

Bag-u magkun ti Panginuun sa kan Muysis, “Pagtukad kawu ataytag sa kangku sa babaw bantud ag pag-alagad, dahil iayaw niku sa kanmu ti manga maralapi batu sinuratan niku kang kasuguan ag surundanun hampay itudlu sa manga tawu.”

Isikil 20:11

Ati, ipinakaun niku sa kanda kang manga sugu ag manga surundanun kailangan nida sundun hampay magpangabuhi sida.

Isikil 20:12

Ipinatupad diman niku sa kanda ti manga Sirang Pamahari bilang palatandaan nimi kasunduan. Inda manpaala-ala sa kanda kuntay aku, ti Panginuun, ti magpabanal sa kanda bilang kang nasakupan.

Isikil 20:20

Pakabanala niyu ti manga Sirang Pamahari dahil palatandaan inda nita kasunduan, ag magpaalaala inda sa kanyu kuntay aku ti Panginuun niyu Diyus.”

Libitiku 19:3

Kailangan galangun niyu kanyu ina hanggan ama, ag kailangan diman tupadun niyu kang manga pag-isugu sa kanyu sa manga Sirang Pamahari. Aku ti Panginuun kanyu Diyus.

Libitiku 27:34

Imaw tida kay manga sugu ipinakaun Panginuun tag sa kan Muysis ati sa Bantud Sinai para sa manga Israilita.

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Diyuturunumiyu 4:45

manga tudlu, manga paalaala, manga surundanun, hanggan nu hintay kanda kailangan buwatun, katpung nagluwas sida sa Ihiptu

Diyuturunumiyu 4:5

“Pag-itudlu niku sa kanyu ti ipinakaun Panginuun niku Diyus sa kangku pag manga sugu hanggan surundanun hampay kanyu sundun nu rumas-ug kamu sa patabgan niyu pag daga ag ulianan.

Diyuturunumiyu 5:31

Dapat ay pagpatayak kawu sitay sa kangku hampay iayaw niku sa kanmu ti tanan pag sugu hanggan surundanun ti itudlu nimu sa kanda, imaw kanda sundun ati sa pag-ipakaun niku pag daga kanda manahun.’