Nihimyas 9:10 - Hanunuu

¹⁰ Nagbuwat kawu manga makadululaw hanggan manga lilingutan pag manga bagay laban sa hari Ihiptu, hanggan sa tanan niya manga may kangaranan ag tawuhan, dahil magkaalaman nimu nu kabitay nida inapi kanmi manga ginurang. Ag kanmu ngaran bantug taynguna tugka.

Nihimyas 9:10 Iomraidhean Croise

Nihimyas 9:16

Dapat sida kanmi manga ginurang nagmarapalabaw-labaw, maganit kay ulu, unman masinurundun sa kanmu manga sugu.

Nihimyas 9:29

Pagpasandaman nimu sida kuntay pagtupad maan sa kanmu Kasuguan, dapat marapalabaw sida ag unman nida pagtupadun kanmu manga sugu. Nagsalan sida laban sa kanmu manga sugu magpakaun tutuu pag buhi sa magtupad inda. Sa kaganitan nida manga ulu nagpatlikud sida sa kanmu, ag dayu sida mamatingi sa kanmu.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Pag-ighit 18:11

Naalaman niku taynguna mas makamaskihan ti Panginuun sa tanan diyus, dahil irinibri niya ti manga Israilita sa manga Ihipsiyu mag-api sa kanda.”

Pag-ighit 3:20

Nakan parusahan niku ti manga Ihipsiyu sa panab-anan manga makadululaw niku buwatun sa kanda. Bag-u di pahintulutan niya kamu umighit.

Pag-ighit 5:2

Magkun ti hari Ihiptu, “Si unu tunda pag Panginuun hampay mamatingi aku sa kanya ag pasnuan umighit ti manga Israilita? Balaw aku magkilala sa tunda pag Panginuun, ag balaw niku paighitun ti manga Israilita.”

Pag-ighit 7:1

Magkun ti Panginuun sa kan Muysis, “Pagpatingi kawu! Buwatun niku kawu ga diyus sa atubangan hari Ihiptu. Manhampang kawu sa kanya sa panab-anan nimu patar-ari ni Aarun.

Pag-ighit 9:16

Dapat pinasnuan niku kawu mabuhi sa inda pag turunu: hampay maipakakit niku sa kanmu kang kamaskihan ag hampay makilala kang ngaran sa buu kalibutan.

Isayas 42:20

Mayamu yi kanyu mag-akitan dapat balaw niyu pagpansinun. Magdungug kamu dapat unman kamu magpatingi!”

Isayas 63:12

Naan yi ti Panginuun nagpakaun kay kapangyarihan sa kan Muysis, ag nagtunga dagat sa kanta atubangan, hampay mibantug siya hanggan aban?

Isayas 63:14

Pinakan-an kita Ispiritu Panginuun kapaharian, parihu sa manga baka mag-atag sa kay hararaban sa karatagan.” Panginuun, giniyahan duy nimu kami kanmu manga nasakupan agud madayaw kawu.

Hirimyas 32:20

Nagbuwat kawu manga makadululaw ag lilingutan pag manga bagay ati sa Ihiptu, ag parargu nimu duy inda pagbuwatun tugka sitay sa Israil pagbuwatun ag sa iba manga nasyun. Sa panab-anan inda nagbaliw bantug duy kawu sa tanan rugar.

Isikil 20:9

Dapat unman niku inda binuwat, dahil mangay-a kang ngaran sa manga nasyun sa palibut Israil alam nagpahayag aku sa manga Israilita kuntay ipalwas niku sida sa Ihiptu.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Danyil 5:23

Bagkus ngap binwat nimu kanmu sadili abwat man sa Panginuun sa langit. Ipinab-ul nimu ti manga irinman ginan sa Balay Diyus ag ininman niyu inda kaibahan kanmu matinudukun pag manga bisita, manga asawa, ag iba waya asawa panawuhun. Bukud waya siyun, sinamba nimu ti manga diyus buwat sa pilak, gintu, galang, baul, kayu, ag batu — manga unman maghiling pag diyus, unman magdungug, ag unman makaintindi. Dapat unman nimu dinayaw ti Diyus, ti maghiyaput kanmu buhi ag magpapalad sa tanan nimu pagbuwatun.

Danyil 9:15

“Panginuun nimi Diyus, ipinakakit nimu kanmu kamaskihan katpung ipinalwas nimu kanmu nasakupan ginan sa Ihiptu, nakan niburayhaw kawu tugka kainda. Pag-akuun nimi kami nagkasala ag nagbuwat kadautan.

Binwat 7:36

Sa kay nagbawi sa kanda ginan sa kakurian nagbuwat siya manga makadululaw pag tanda sa Ihiptu, sa Dagat Marara hanggan sa pangawakawaan sa sulud upatpulu ka timpu.

Ruma 9:17

Dahil sa Banal Kasuratan kay sabi Diyus sa hari Ihiptu, “Binwat niku kawu hari hampay sa panab-anan nimu pag-ipakakit niku kang kamaskihan ag hampay milantag kang ngaran sa usa ka kalibutan.”

Diyuturunumiyu 4:34

May imaw aw tuhay pag diyus nagpanghas bul-un ti usa ka lahi ginan sa usa ka nasyun hampay inda kanya yi sa panab-anan manga pagpakuri, manga makadululaw, manga kalalingutan pag bagay, girahan hanggan manga makamaskihan ag makapangyarihan pag buwat? Dapat tunda ti binuwat Panginuun niyu Diyus ati sa Ihiptu, kamu ngani ti nakakit ati.

Diyuturunumiyu 7:19

Nakitan gid niyu ti manga pagsubuk, ti manga makadululaw hanggan ti manga lilingutan pag bagay, ag ti makamaskihan pag kapangyarihan ipinakakit Panginuun niyu Diyus katpung ipinalwas niya kamu. Parihu diman siyun kay buwatun Panginuun niyu Diyus sa tanan manga pagkadalaan niyu pag manga tawu.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”