Nihimyas 9:1 - Hanunuu

¹ Pagka sa ika-24 pag sirang sa tunda diman pag bulan, nagtipun ti manga Israilita hampay balaw manhandum karan-unun. Nanrutay sida manga saku ag pinaulian dapug kanda manga ulu.

Nihimyas 9:1 Iomraidhean Croise

2 Samwil 1:2

Pagka sa ikatlu pag sirang, may tawu rinmas-ug sa Siklag ginan sa kampu ni Saul, gitas kay rutay ag may manga galbuk kay ulu bilang pagpakakit karukuan. Nag-ati siya sa kan Dabid ag nagyuk-ub sa kay atubangan bilang paggalang.

2 Krunika 20:3

Nadala si Husapat, ag nagdangup siya sa Panginuun. Bag-u nagsugu siya danga maghandum karan-unun ti tanan taga Huda.

2 Krunika 7:10

Pagka nasurip, imaw ti ika-23 pag sirang sa ikapitu pag bulan, ipinauli ni Sulumun ti manga tawu. Nuli sida masulung gid dahil sa tanan kaayadan binwat Panginuun sa kan Dabid ag sa kan Sulumun, ag sa manga nasakupan niya Israilita.

Isra 8:21

Ati sa saruy sapa Ahaba, nagsabi aku sa gurupu kuntay unman manhandum karan-unun kami ag mamakumbaba kanmi sadili sa atubangan nimi Diyus hampay hagadun sa kanya bantayan niya kami sa kanmi lakawanun, hanggan kanmi manga anak ag manga kasiyunan.

Isra 8:23

Nakan nagpauray ag nandarangin kami sa kanmi Diyus bantayan niya kami, ag sinagut niya kanmi darangin.

Nihimyas 8:2

Nakan pagka sa tunda pag sirang, ti un-an pag sirang sa ikapitu pag bulan, dinara ni Manug-asiwa Isra ti Kasuguan sa atubangan manga tawu — manga lalaki, manga babayi, hanggan manga kalay-awan mag-intindi yi. Binasa niya inda sa kanda mabisug ginan sa magbutlak init tugka sa karaw-an sirang, ati sa buruybuyahan sa atubangan Sabian Atabug sa Danum. Pinatingihan gid kaayad tanan ti Ribru Kasuguan.

Istir 4:16

“Paglakaw yi kawu, tipuna nimu ti tanan Hudiyu atay sa Susa ag danga kamu maghandum karan-unun para sa kangku. Danga kamu magkaun ngatay mag-inum danum sa sulud 3 ka sirang. Aku hanggan kang manga suruguun babayi unman diman manhandum karan-unun. Pagkatapus, atabug aku sa hari una labag sa kasuguan hari. Ag nu matyun aku, nakaalistu di aku mamatay.”

Istir 4:3

Ti manga nakadnug sa sugu hari pag manga Hudiyu sa kada purubinsiya nanrukuan gid, nanlulumian ag nanwarawawan. Mayamu gid sa kanda ti nanulung saku ag napaigya sa dapug.

Hub 2:12

Pagka nakitan nida si Hub ginan sa arayu, harus udyi nida siya magkakilala, nakan nanlumi sida matnug. Ginitas nida kanda manga rutay ag dinapgan galbuk kanda ulu bilang pagpakakit karukuan.

Isayas 22:12

Nagpatalahap sa kanyu ti Panginuun Diyus Makamaskihan kuntay kamu pagpanrukuan, paglumi, pagpakidkid ag pagsulung rutay panruku bilang tanda sa kanyu mag-ampu.

Huwil 2:12

Magkun ti Panginuun, “Pagbalik kamu sa kangku sa buu niyu tagipusuun, danga maghandum karan-unun, paglumi ag pagpanrukuan.

Libitiku 23:39

Nu tungkul sa Pista sa Pagbuwat manga Payag, idaus niyu inda pag-alaala sa Panginuun umpisa sa ika-15 pag sirang sa ikapitu pag bulan, pagkatapus tig-arani. Idaus niyu inda sa sulud pitu ka sirang; danga kamu magtarabahu sa un-an pag sirang hanggan sa ikawalu pag sirang.

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.

Ipinakakit 11:3

Dapat suguun niku ti duwa ka manugpadakit nakasulung rutay pustal. Bag-u itudlu nida ti Bagaw Diyus sa sulud usa ka libu may duwa ka gatus may unumpulu ka sirang kay kadugay.”

Talaghusay 20:26

Nakan nagtukad maan ti tanan Israilita sa Bitil ag nanlulumian sa atubangan Panginuun. Unman nanhandum karan-unun sida tugka yabi ag nanhandug manga handug pagsunugun ag manga handug para sa mayad pag pakiusa sa Panginuun.

1 Samwil 4:12

Tunda diman katpung pag sirang, may usa ka tawu Binhaminita ti nalagiw ginan sa girahan tabug sa Silu. Ginisi niya kay rutay, pinaulian niya kay ulu daga hampay ipakakit kay karukuan.

1 Samwil 7:6

Pagka sida nagtipun yi ngani sa Mispa, nanaas sida danum bag-u kanda ibinuhus sa atubangan Panginuun. Balaw sida naghandum karan-unun ati katpung pag sirang, inaku nida kanda kasalanan magkun, “Kami nagkasala laban sa Panginuun.” Pinanguluhan ni Samwil ti manga Israilita ati sa Mispa.