Nihimyas 8:9 - Hanunuu

⁹ Habang magpatingi ti manga tawu sa pagsabihun sa Kasuguan, maglumi sida. Magkun sa kanda si Gubirnadur Nihimyas, si Manug-asiwa Isra ag ti manugtudlu Kasuguan, hanggan ti manga Libita magpaliwanag sa kanda Kasuguan, “Inda pag sirang banal sa Panginuun niyu Diyus, nakan danga kamu maglumi.”

Nihimyas 8:9 Iomraidhean Croise

2 Hari 22:11

Pagka nakadnug ti hari sa nakasurat sa Ribru Kasuguan, ginitas niya kay rutay sa karukuan.

2 Hari 22:19

Pinatingihan niku kanmu darangin, dahil nagsisi kawu ag nagpakumbaba kanmu sadili pagka nadnugan nimu kang sinabi laban sa inda pag rugar hanggan sa manga nasakupan inda, kuntay saadan ag rurisun inda pag rugar. Ginisi waya ngani nimu kanmu rutay ag nanlumi sa kang atubangan. Nakan aku, ti Panginuun, magsabi

2 Krunika 15:3

Sa kadugayun pag panahun nangabuhi ti manga taga Israil unman may tutuu pag Diyus, unman may manga manughandug magtudlu sa kanda, ag unman may kasuguan.

2 Krunika 30:22

Dinayaw ni Isikyas ti tanan Libita sa mayad pag buwat ipinakakit nida sa pagsirbi sa Panginuun. Nakan parargu ti pagdaus nida sa sulud pitu ka sirang. Kinaun nida kanda bahagi sa manga handug, ag nanagda sida manga handug para sa mayad pag pakiusa, ag nagdayaw sa Panginuun, ti Diyus nida manga ginurang.

2 Krunika 34:19

Pagka nadnugan hari ti nakasurat sa Kasuguan, ginisi niya kay rutay bilang pagpakakit kay karukuan niya.

2 Krunika 34:21

“Pagpaingana kamu sa Panginuun para sa kangku ag para sa manga nasawad nasakupan Israil ag Huda tungkul sa nakasurat sa nakitan pag ribru. Masyadu gid ti pangagalit Panginuun sa kanta dahil unman nagsunud kanta manga ginurang sa binagaw Panginuun nakasurat sa inda pag ribru.”

2 Krunika 35:3

Pinakan-an diman niya manga katungkulan ti manga Libita manugtudlu sa Israil, kuntay itinigana sa pagsirbi sa Panginuun. Magkun siya sa kanda, “ipinauli yi ti banal pag kaban sa Balay Diyus ipinatindug ni Sulumun kay anak ni Dabid, ag balaw yi niyu inda kailangan darahun. Nakan gamitun yi niyu kanyu udas sa pagsirbi sa Panginuun niyu Diyus ag sa kay nasakupan manga Israilita.

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Isra 7:11

Inda ti pagsabihun sa surat ni Hari Artasirsis tabug sa kan Isra pag manughandug ag manugtudlu, ti may kaalaman gid sa manga sugu hanggan manga surundanun ipinakaun Panginuun sa manga taga Israil:

Nihimyas 10:1

Ti un-an nagpirma si Gubirnadur Nihimyas kay anak ni Hakalyas, ag si Sidikyas.

Nihimyas 12:26

Inda sida ti magsirbi sa kapanahunan ni Huyakim kay anak ni Hisuwa ag kay laki ni Husadak, sa kapanahunan ni Nihimyas ti gubirnadur ag si Isra ti manughandug hanggan manugtudlu sa Kasuguan.

Nihimyas 7:65

Sinabihan sida gubirnadur Huda balaw sida mahimu kumaun manga karan-unun ihinandug sa Diyus tugka sa unman may manughandug makapaingana sa Panginuun tungkul sa kanda pagkamanughandug sa panab-anan Urim ag Tunim.

Nihimyas 7:70

Ti iba pag manga takinan manga magtal-anakan nangambag para sa pagpatindug maan sa Balay Diyus. Ti gubirnadur nagpakaun walu ka kilu gintu, 50 ka malukung gamitun sa Balay Diyus, ag 530 ka bilug rutay para sa manga manughandug.

Nihimyas 8:2

Nakan pagka sa tunda pag sirang, ti un-an pag sirang sa ikapitu pag bulan, dinara ni Manug-asiwa Isra ti Kasuguan sa atubangan manga tawu — manga lalaki, manga babayi, hanggan manga kalay-awan mag-intindi yi. Binasa niya inda sa kanda mabisug ginan sa magbutlak init tugka sa karaw-an sirang, ati sa buruybuyahan sa atubangan Sabian Atabug sa Danum. Pinatingihan gid kaayad tanan ti Ribru Kasuguan.

Manugtudlu 3:4

may udas sa paglumi ag may udas diman sa pagkasari, may udas sa manghimanglaw ag may udas diman sa pagbaya,

Husyas 4:6

“Nag-iridamhak kang manga nasakupan dahil kurang sida sa kaalaman. Dahil kamu gid ngap dinayu niyu ti kaalaman tungkul sa kangku, nakan dayuun diman niku kamu bilang manga manughandug niku. Kinalimtan niyu kang Kasuguan, nakan kalimtan diman niku kanyu manga anak.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 7:9

Nu kabag-u di waya, nabuhi aku bukud sa Kasuguan. Dapat pagka naalaman niku ti bilin, nabuhi ngap ti kasalanan,

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Diyuturunumiyu 12:7

Ati kamu pag pagkaun hanggan kanyu magtal-anakan sa atubangan Panginuun niyu Diyus, ag pagbaya kamu sa tanan niyu binwat dahil pinapaladan kamu Panginuun.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 26:14

Balaw niku inda kinaun mintaras magpanrukuan aku; unman niku inda tinandug mintaras mauring aku; ag unman niku inda isinagda sa namatay. Ungud, Panginuun niku Diyus, sinunud niku kawu. Binwat niku ti tanan nimu pag-isugu sa kanmi.

Santiyagu 4:9

Pagmaruku kamu pagpanhilumawan paglumi gid kamu. Kanyu magparaarak-akan ilsi niyu luwa mata. Kanyu kabayaan pag-ilisi niyu karukuan.