Nihimyas 8:6 - Hanunuu

⁶ Dinayaw ni Isra ti Panginuun, ti makamaskihan pag Diyus! Bag-u sinmagut ti manga tawu, “Amin! Amin!” habang pag-ipaabwat nida kanda kamang. Bag-u nanluhud sida ag nagsamba sa Panginuun.

Nihimyas 8:6 Iomraidhean Croise

Gimpuunan 14:22

Dapat magkun si Abram sa hari Suduma, “Magsumpa aku sa atubangan Panginuun, ti Diyus Makamaskihan sa tanan, ti naglalang langit ag daga,

Gimpuunan 24:26

Linmuhud ti suruguun ag nagsamba sa Panginuun.

1 Krunika 16:36

Pagdayawun ti Panginuun, ti Diyus Israil, sa unman may katapusan.” Bag-u nagsagut ti tanan pag nasakupan, “Amin.” Ag nagdayaw sida sa Panginuun.

1 Krunika 29:10

Dinayaw ni Dabid ti Panginuun sa atubangan tanan kadamlan. Sinabi niya, “Panginuun, Diyus nimi ginurang ni Hakub, pagdayawun kawu unman may katapusan.

1 Krunika 29:20

Bag-u magkun si Dabid sa tanan kadamlan, “Dayawa niyu ti Panginuun niyu Diyus.” Nakan dinayaw nida ti Panginuun, ti Diyus nida manga ginurang. Nanluhud sida ag nanyuk-ub sa paggalang sa Panginuun hanggan sa hari.

2 Krunika 20:18

Linmuhud si Husapat ag ti tanan taga Huda ag taga Hirusalim sa pagsamba sa Panginuun.

2 Krunika 29:10

Dapat taynguna, gustu gid niku manbuwat kasunduan sa Panginuun, ti Diyus Israil, hampay madura ti masyadu niya pag pangagalit sa kanta.

2 Krunika 29:30

Nagsugu si Hari Isikyas hanggan kay manga may kangaranan sa manga Libita hampay dayawun ti Panginuun sa panab-anan manga kanta binwat ni Hari Dabid ag ni purupita Asap. Nakan nanganta sida manga kanta pagdayaw may kabayaan habang mayungduan sida sa pagsamba sa Diyus.

2 Krunika 6:4

Magkun siya, “Dayawun ti Panginuun, ti Diyus Israil. Tinupad niya kay taratu sa kang ama sa kan Dabid. Dahil magkun siya,

Nihimyas 5:13

Ipinagpag niku kang kulimpay sa kang awak bag-u magkun, “Kainda mana ti buwatun Diyus sa kanyu balay hanggan kasiyunan nu unman niyu tupadun kanyu itinaratu. Mana duraun niya inda tanan sa kanyu.” Ti tanan tawu ati nagsagut, “Katida yi ngap!” Bag-u dinayaw nida ti Panginuun. Ag tinupad manga takinan hanggan manga may kangaranan kanda itinaratu.

Nihimyas 8:7

Pagka tinmindug yi ti manga tawu, ipinaliwanag sa kanda ti Kasuguan. Ti nagpaliwanag sa kanda ti manga Libita sida ni Hisuwa, Bani, Siribya, Hamin, Akub, Sabitay, Hudyas, Maasiyas, Kilita, Asariyas, Husabad, Hanan ag Pilaya.

Kanta 134:2

Paabwatan niyu kanyu manga kamang sa kanyu magdarangin sa sulud Balay Diyus, ag dayawa niyu ti Panginuun.

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Kanta 28:2

Patingihi kang magpaawa-awa maghagad awat sa kanmu, habang maabwatan kang manga kamang atag sa kanmu banal pag Balay.

Kanta 41:13

Pagdayawun ti Panginuun, ti Diyus Israil, sa unman may katapusan. Amin! Amin!

Kanta 63:4

Pasalamatan niku kawu habang magkabuhi aku. Ipaabwat niku kang manga kamang sa kang magdarangin sa kanmu.

Kanta 95:3

Dahil ti Panginuun makamaskihan pag Diyus. Makamaskihan siya pag hari ag abwat sa tanan pag diyus.

Pag-ighit 12:27

kanyu isagut: ‘Inda Pista Pag-alaala sa Karibrihan bilang pagkilala sa Panginuun, dahil linawyan lang niya ti manga balay Israilita sa Ihiptu katpung minatay niya ti panganay anak lalaki manga Ihipsiyu.’ ” Pagkatapus bagaw ni Muysis, linmuhud ti manga Israilita ag nagsamba sa Panginuun.

Pag-ighit 4:31

ag naniwala gid sida. Pagka naalaman nida magdumdum di maaw ti Panginuun sa kanda ag mag-akitan diman niya kanda manga kakurian, linmuhud sida ag sinmamba sa Panginuun.

Hirimyas 28:6

Magkun siya, “Amin! Buwatun mana tida Panginuun! Mana buwatun Panginuun kanmu pagsabihun darahun niya iuli sitay ti manga garamitun sa Balay Diyus hanggan ti tanan manga binihag sa Babilunya.

Karukuan 3:41

Bukasan nita kanta manga tagipusuun ag ipaabwat kanta manga kamang sa Diyus sa langit ag sabihun,

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

1 Kurintu 14:16

Nu kawu magpasalamat sa Diyus ginan lang sa kanmu tagipusuun, kabitay pag makasabi, “Amin” ti usa ka tawu nu unman napakan-an mag-alam sa tuhay-tuhay pag pamagaw, unman naalaman niya kanmu pagsabihun.

Ipisu 1:3

Pagpasalamat kita sa Diyus Ama nita Panginuun Hisu-Kiristu. Ipinakaun niya sa kanta ti tanan ipinapalad Ispiritu Banal sa langit dahil sa kanta magpakiusa sa kan Kiristu.

1 Timutiyu 2:8

Kang gustu ngani ti manga lalaki una naan pag rugar nu magdarangin kailangan ipaabwat nida kanda manga kamang tag sa Diyus, ipasakup nida lubus sa Diyus kanda naisipan, danga may galit hanggan magtalaluhan.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

Ipinakakit 7:11

Nagtinindug ti tanan manga anghil manga nakatindug sa kay sangput tukawan hari, manga gurangun hanggan upat ka linalang may buhi. Napadapa sida sa atubangan Hari, nagsamba sida sa Diyus.