Nihimyas 8:18 - Hanunuu

¹⁸ Sirang-sirang pagbasahun ni Isra sa manga tawu ti Ribru Kasuguan Diyus, ginan sa umpisa pag sirang tugka sa katapusan pag sirang pista. Idinaus nida ti pista pitu ka sirang, ag pagka sa ikawalu pag sirang, nagtipun sida para mansamba sa Panginuun, angay sa Kasuguan.

Nihimyas 8:18 Iomraidhean Croise

Nihimyas 8:2

Nakan pagka sa tunda pag sirang, ti un-an pag sirang sa ikapitu pag bulan, dinara ni Manug-asiwa Isra ti Kasuguan sa atubangan manga tawu — manga lalaki, manga babayi, hanggan manga kalay-awan mag-intindi yi. Binasa niya inda sa kanda mabisug ginan sa magbutlak init tugka sa karaw-an sirang, ati sa buruybuyahan sa atubangan Sabian Atabug sa Danum. Pinatingihan gid kaayad tanan ti Ribru Kasuguan.

Libitiku 23:36

Sa sulud pitu ka sirang paghandug kamu sa Panginuun manga handug sa panab-anan apuy. Ag sa ikawalu pag sirang balaw diman kamu mantarabahu bagkus pagtiripun maan kamu pagsamba sa Panginuun, bag-u paghandug kamu sa kanya. Katapusan tunda pag sirang niyu tiripun.

Libitiku 23:41

Idaus niyu ti pista sa ikapitu pag bulan kada timpu sa pag-alaala sa Panginuun. Sa sulud pitu ka sirang, tanan kamu ti manga tumanduk pag manga Israilita pag-uli sa manga payag hampay maalaman niyu manga linahi kuntay ipinauli Panginuun niyu Diyus kanyu manga ginurang sa manga payag katpung ipinalwas niya sida gin sa Ihiptu. Inda pag surundanun kailangan tupadun niyu tugka sa sunud pag manga sinulput tawu.

Bilang 29:35

“Sa ikawalu pag sirang, danga kamu magtarabahu nu unman pagtiripun kamu pagsamba sa Panginuun.

Huwan 7:37

Pagka sa katapusan yi pag sirang Kapistahan imaw yi ti pinakamahalaga pag sirang, ati katpung tinmindug si Hisus bag-u sinabi niya sa daraka buka magkun, “Una hintay pag tawu nu magkauwaw, pagsitay siya sa kangku, pag-inum.