Nihimyas 8:15 - Hanunuu

¹⁵ Kailangan nida ipaalam sa Hirusalim hanggan sa iba waya nida manga banwa ti sugu Panginuun kuntay umati sida sa kabantudan ag bumuul manga sanga ulibu, mirtu, palma hanggan manga sanga maraybung pag kayu hampay buwatun manga payag, angay sa nakasurat sa Kasuguan.

Nihimyas 8:15 Iomraidhean Croise

Gimpuunan 8:11

Madulum-dulum yi ti malambung kay magbalik ti kalampati may tangag sugbuk labung ulibu pag kayu. Nakan naalaman ni Nuwi hinmubas yi ti danum.

Libitiku 23:4

Ti Pista Pag-alaala sa Karibrihan hanggan ti Pista Tinapay Unman may Pamadaka pinakamahalaga diman pag manga sirang agud magtiripun ti manga Israilita sa pagsamba sa Panginuun.

Libitiku 23:40

Sa un-an pag sirang, pagbuul kamu pinakamayad pag manga burak manga kayu, manga paklang palma, manga maraybung pag sanga kayu, una manga dariit kayu sa laad, bag-u pagmasulung kamu sa atubangan Panginuun kanyu Diyus sa sulud pitu ka sirang.

Matiyu 21:1

Pagka dugay arani yi sida ni Hisus sa banwa Hirusalim. Pagka nagras-ug sida sa baryu Bitpagi sa bantud Ulibu, sinugu ni Hisus kay duwa ka tuludluan.

Huwan 12:13

nam-ul sida manga paklang palma bag-u linmakaw sida nagsulang sa kan Hisus sa dalan. Nanarawagan ti manga tawu magkun, “Dayawun nita ti Diyus. Papaladan Diyus ti sumitay sa ngaran Panginuun. Papaladan Diyus ti Hari Israil.”

Diyuturunumiyu 16:16

“Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.