Nihimyas 8:10 - Hanunuu

¹⁰ Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Nihimyas 8:10 Iomraidhean Croise

1 Hari 8:66

Pagkatapus Pista ipinauli ni Sulumun ti manga tawu. Bag-u sida nuli pinapaladan manga tawu si Hari Sulumun bag-u nuli sida masulung dahil sa tanan mayad binwat Panginuun sa kay suruguun si Dabid hanggan sa kay nasakupan manga Israilita.

1 Krunika 16:27

Asan sa kanya ti kadayawan hanggan ti kagalangan; ti kabisugan ag ti kabayaan asan sa kay ulian.

Nihimyas 8:11

Magkun diman ti manga Libita, “Paghim-ung kamu! Danga kamu magkaarimputu! Dahil banal inda pag sirang.”

Nihimyas 8:12

Nakan nuli ti tanan tawu hampay mangaun ag manginum bag-u mangayaw karan-unun sa iba. Nagdaus sida may kabayaan dahil naintindihan nida ti manga bagaw Diyus binasa sa kanda.

Istir 9:19

Inda ginan kay umpisa nakan ti manga Hudiyu sa manga purubinsiya magdaus pista sa ika-14 pag sirang sa bulan Adar. Sa tunda pag sirang, mag-arayawan sida manga pamakaun.

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Kanta 149:2

Pagbaya ti manga taga Israil dahil sa kanda Manuglalang. Pagbaya ti nasakupan Siun dahil sa kanda Hari.

Kanta 89:17

Kawu ti ipagpadayaw nimi dahil kawu kanmi kabisugan; dahil sa kanmu kaayadan manalu kami.

Kabagawan 17:22

Nu masulung kawu, ikamayad inda nimu bilug, dapat nu marukuun kawu, makapalumuy inda sa kanmu bilug.

Manugtudlu 11:2

Ayaw-ayawa kanmu kuwarta sa nanuhay-tuhay pag nigusyu, dahil unman nimu alam nu hintay pag kakurian ti rumas-ug sa kalibutan.

Manugtudlu 2:24

Ti pinakamayad buwatun tawu imaw ti pagkaun, pag-inum, ag ti pagpakasulung sa kay binudlayan. Ag naisip niku inda ginan diman sa Diyus,

Manugtudlu 3:13

pagkaun ag pag-inum, ag ti pagpakasulung sa kay binudlayan. Inda pag manga bagay papalad Diyus.

Manugtudlu 5:18

Nakan naisip niku ti pinakamayad buwatun tawu sa kay dag-ud pag buhi ipinakaun Diyus sa kanya imaw ti pagkaun, pag-inum ag pagpakasulung sa kay binudlayan sitay sa kalibutan, dahil para diman waydi inda sa kanya.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Isayas 49:5

Ti Panginuun ti nagpili sa kangku hampay manugsirbi niya, hampay pabalikun sa kanya ag tipunun ti manga Israilita. Kinilala aku Panginuun niku Diyus ag pinakan-an kabisugan.

Isayas 61:10

Magbaya aku sa kang Panginuun Diyus, dahil aku ga kay pinasulungan karibrihan hanggan kapanaluhan. Parihu aku sa lalaki ikasal may sulung rutay marinu panmanughandug, ngatay parihu sa babayi ikasal may pamarinu.

Huwil 2:23

Kamu manga taga Siun, pagbaya kamu sa binwat Panginuun niyu Diyus sa kanyu. Dahil pinadarahan niya kamu un-an pag uran ag nadasnan waya tunda parihu sa kabag-u agud mipakakit kay katadlungan.

Sakaryas 14:21

Ag ti kada taramaan sa Hirusalim ag Huda bumaliw banal para sa Panginuun Makapangyarihan. Gamitun inda manga manughandug hampay tamaan nida manga pag-isagda. Ag sa tunda pag sirang, udyi may manga manugnigusyu sa Balay Diyus Panginuun Makamaskihan.

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

2 Kurintu 8:2

Nakalakaw sida masyadu pag kakurian, imaw ti mahigpit pagsubuk sa kanda. Madi sida masyadu pugri, sa daka nida pag kabayaan bukas kanda nalub-anan sa kanda magpakaun.

Pilipus 3:4

Nu sa ungud aku makasarig mana sa kang sadili pagkatawu. Nu ti iba mag-isip may sarigan sa kanda sadili pagkatawu, lalu gid aku masabi may pagsarigan sa kang sadili pagkatawu.

Ipinakakit 11:10

Nu mamatay aban tunda pag duwa ka manugpadakit bumaya ti tanan manga tawu sa kalibutan. May pistahan sida, bag-u mamarakan-an waya dahil tigbak yi tunda pag duwa ka purupita ti namakaun subra pag kakurian sa kanda.

1 Samwil 25:8

Paingan-a nimu sida ag sabihun nida kay tutuu. Taynguna, magpakihampang aku pakakitan nimu kaayadan kang manga tawuhan, dahil pista taynguna. Pag ga kanmu anak aku ag kang manga panawuhun pag ga kanmu diman panawuhun; pakan-an sa kanmi una hintay kanmu gustu ipakaun sa kanmi.”