Nihimyas 7:64 - Hanunuu

⁶⁴ Dahil ngani balaw nida mag-akitan ti listahan nida manga ginurang, balaw sida tinanggap kuntay manga manughandug.

Nihimyas 7:64 Iomraidhean Croise

1 Krunika 9:1

Ti tanan Israilita nisurat sa listahan manga linahi sa Ribru Tultulanun manga Hari Israil. Binihag ti nasakupan Huda tag sa Babilunya dahil balaw sida matinupadun sa Panginuun.

Nihimyas 13:29

Bag-u nandarangin aku, “Diyus niku, alalahana duy nimu ti paglapastangan nida sa kanda pagkamanughandug hanggan sa kanda nagsumpa bilang manga manughandug ag manga Libita.”

Nihimyas 7:5

Nakan ipinaisip sa kangku Diyus tipunun ti manga takinan, manga may kangaranan, hanggan ti iba waya pag manga mag-uli hampay mailista sida angay sa kada magtal-anakan. Nakitan niku ti listahan manga magtal-anakan un-an binmalik ginan sa pagkabihag. Inda ti nakalista ati:

Nihimyas 7:63

Unman diman mapatutuuhanan manga sinulput nida ni Habaya, Hakus ag ni Barsilay kuntay manga manughandug sida. (Pagka nangasawa si Barsilay, dinara niya kay ngaran niya manugang si Barsilay taga Gilyad.)

Nihimyas 7:65

Sinabihan sida gubirnadur Huda balaw sida mahimu kumaun manga karan-unun ihinandug sa Diyus tugka sa unman may manughandug makapaingana sa Panginuun tungkul sa kanda pagkamanughandug sa panab-anan Urim ag Tunim.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.