Nihimyas 7:3 - Hanunuu

³ Magkun aku sa kanda, “Danga niyu pagpabay-ani mabukasan ti manga puwirtahan banwa nu karaw-an sirang, una may manga guwardiya waya magtanud. Kailangan saraduhan gid inda ag agadan. Pagpauli diman kamu manga guwardiya ginan sa manga nasakupan Hirusalim. Kay iba sa kanda paulian sa alad batu banwa arani sa kanda manga balay, ag kay iba waydi paulian sa iba waya pag bahagi alad batu.”

Nihimyas 7:3 Iomraidhean Croise

Nihimyas 13:19

Nakan nagsugu aku talakpan ti puwirtahan banwa kada Biyarnis malambung, ag danga inda pagbukasi tugka sa unman matapus ti Sirang Pamahari. Pinatanudan niku sa kang manga tawuhan ti manga sabian hampay unman may makasulud una hintay pag paninda sa banwa sa Sirang Pamahari.

Nihimyas 3:23

Ti dinmasun sa kanda sida ni Binhamin ni Hasub. Ipinatindug nida ti bahagi alad batu maatubangan sa kanda manga balay. Ti dinmasun sa kanda si Asariyas kay anak ni Maasiyas kay laki ni Ananiyas. Ipinatindug niya ti bahagi alad batu tugka sa habig niya balay.

Nihimyas 7:2

Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

Nihimyas 7:4

Ati katpung, pagkaluang ti banwa Hirusalim dapat pira-pira lang ti manga mag-uli ati ag pira-pira diman ti manga balay.

Kanta 127:1

Nu unman ti awat Panginuun, unman may kabuluhan ti pagpatindug balay ngatay ti pagbantay sa daka pag banwa,

Kanta 147:13

Dahil pagpatibayun niya ti manga sabian niyu banwa, ag pagpapaladan niya kamu.

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.