Nihimyas 7:2 - Hanunuu

² Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

Nihimyas 7:2 Iomraidhean Croise

Gimpuunan 42:18

Sa ikatlu pag sirang, magkun si Husi sa kanda, “Maggalang aku sa Diyus, nakan pakan-an niku kamu panahun hampay mabuhi nu sundun niyu kang pag-isugu sa kanyu.

2 Samwil 23:3

Magkun sa kangku ti Diyus, ti batu palalan-iban Israil, ‘Ti magpangulu matadlung ag may dala sa Diyus

1 Hari 18:12

Kabitay nangus nu sa pag-ighit niku daran-un kawu Ispiritu Panginuun sa rugar balaw niku alam? Nu rumas-ug si Akab sitay unman lagan kawu, matyun niya aku. Ilyas, daan di ginan sa anak waya aku magsirbi yi aku sa Panginuun.

1 Hari 18:3

Nakan ipinatawag ni Akab si Ubadyas, imaw ti manug-asikasu sa balay hari niya. (Si Ubadyas lubus maggalang sa Panginuun.

Nihimyas 1:2

Nag-ati sa kangku ti usa sa manga patar-ari niku, si Hanani, ginan sa Huda kaibahan ti pira ka manga lalaki. Pinaingana niku sida tungkul sa Hirusalim hanggan sa manga Hudiyu nakabalik ginan sa pagkabihag sa Babilunya.

Nihimyas 13:13

Ti kinatiwalaan niku sa manga haramnuan sida ni Silimya ti manughandug, si Saduk ti manugtudlu Kasuguan, ag si Pidaya usa ka Libita. Ipinaawat diman niku sa kanda si Hanan kay anak ni Sakur kay laki ni Matanyas dahil masarigan sida. Ikinatiwala diman niku sa kanda ti katungkulan maghuray sa manga kaparihu nida manugtarabahu sa Balay Diyus.

Nihimyas 2:8

Nu mahimu, pakan-i diman nimu aku surat para sa kan Asap, ti manugbantay sa kanmu kakayuhan, hampay pakan-an niya aku manga kayu gamitun sa pagbuwat sabian mapag-un pag palalan-iban arani sa Balay Diyus, sa pagpatindug alad batu banwa hanggan sa balay ulian niku.” Tinupad hari kang manga paghagadun sa kanya dahil sa kaayadan Diyus sa kangku.

Nihimyas 5:15

Dapat ti manga gubirnadur nag-una nagbaliw pabuyat sa manga tawu, dahil maghagad gid sida sa kanda sirang-sirang pagkaun hanggan irinmun purya waya sa 40 ka pulud pilak. Hanggan kanda manga may kangaranan nagpakuri sa manga tawu. Dapat unman gid niku tunda binwat, dahil magkadala aku sa Diyus.

Nihimyas 7:3

Magkun aku sa kanda, “Danga niyu pagpabay-ani mabukasan ti manga puwirtahan banwa nu karaw-an sirang, una may manga guwardiya waya magtanud. Kailangan saraduhan gid inda ag agadan. Pagpauli diman kamu manga guwardiya ginan sa manga nasakupan Hirusalim. Kay iba sa kanda paulian sa alad batu banwa arani sa kanda manga balay, ag kay iba waydi paulian sa iba waya pag bahagi alad batu.”

Hub 1:1

May usa ka lalaki mag-uli sa rugar Us kay ngaran si Hub. Matadlung siya, ag unman may ikasabi kay pangabuhi. Maginalangun siya sa Diyus ag maaman sa magbuwat daut.

Kanta 101:6

Dapat pakakitan niku pagmahal kang manga kasimanwa matinupadun sa Diyus magkabuhi balaw may ikasabi. Makaibahan niku sida dahil pasnuan niku sida sumirbi sa kangku.

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Danyil 6:4

Nakan ngani, ti duwa niya ka kaibahan manugpaanyu ag ti manga gubirnadur nanhanap salan sa pagdumara ni Danyil agud may ibangdan sida laban sa kanya. Dapat unman gid sida may nakitan salan dahil masarigan gid si Danyil ag mayad kay magdumara.

Bilang 12:7

Dapat balaw katida aku nu maghampang sa kan Muysis sa kang suruguun, masarigan pag takinan niku tanan nasakupan.

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Matiyu 25:21

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

1 Kurintu 4:2

Ti piniyaran kailangan pagtupad sa kay buruwatun niya amu.

2 Timutiyu 2:2

Ti manga nadnugan nimu sa kangku sa atubangan mayamu manga manugpatingi kailangan kanmu waydi itudlu iintirga sa manga tawu magkaasahan magtudlu waydi sa iba.