Nihimyas 7:1 - Hanunuu

¹ Pagka natapus yi ti alad batu banwa, ag naitakud yi ti manga sabian, itinigana sa katungkulan nida ti manga manugguwardiya sa manga puwirtahan banwa, ti manga manugkanta sa Balay Diyus, hanggan ti manga Libita.

Nihimyas 7:1 Iomraidhean Croise

2 Hari 7:10

Nakan binmalik sida sa banwa Samarya ag tinawag nida ti manga guwardiya puwirtahan banwa ag sinabihan, “Nag-ati kami sa kampu manga Aramiyu ag unman gid may tawu ati, purya lang sa manga kabayu ag manga asnu mahigtan. Ag asan di ti manga kasiyunan sa manga turda.”

2 Krunika 31:2

Pinuru-puru ni Hari Isikyas ti manga manughandug ag ti manga Libita angay sa kanda buruwatun sa Balay Diyus Panginuun hampay magpakaun manga handug manga pagsunugun ag manga handug para sa mayad pag pakiusa, hampay magpasalamat ag kumanta pagdayaw sa manga sabian Balay Diyus.

Isra 3:8

Inumpisahan ti pagbungsud sa Balay Diyus sa ikadwa pag bulan sa ikadwa pag timpu ginan sa nakabalik ti manga Israilita sa Hirusalim. Nangarawatan sa pagtarabahu ti tanan nakabalik sa Hirusalim ginan sa pagkabihag, kaibahan yi sitay sida ni Surubabil anak ni Salatyil, ni Hisuwa anak ni Husadak ag kay kaibahan pag manga manughandug, hanggan ti manga Libita. Ti pinayaran sa magpamahala sa pagpatindug Balay Diyus Panginuun ti manga Libita may idad 20 ka timpu paabwat.

Nihimyas 10:39

Ti manga Israilita, hanggan yi ti manga Libita kailangan magdara manga handug tirigu, irinmun ubas, hanggan lana ulibu sa haramnuan nu naan pag nakapauli ti manga kagamitan Balay Diyus hanggan nu naan mag-ulian ti magsirbi pag manga manughandug, ti manga guwardiya manga sabian Balay Diyus, hanggan ti manga manugkanta. Nakan nagtaratu kami balaw nimi pabay-anan ti Balay Diyus nimi Diyus.

Nihimyas 11:3

Ti iba pag manga Israilita, ag ti manga manughandug, ti manga Libita, ti manga suruguun sa Balay Diyus, hanggan ti manga lahi manga suruguun ni Sulumun, parargu nangulian sa kanda sadili manga daga sa tuhay-tuhay pag manga banwa sa Huda. Ti iba waya pag manga nasakupan Huda hanggan Binhamin nangulian sa Hirusalim. Inda ti manga takinan manga purubinsiya Huda hanggan Binhamin nangulian sa Hirusalim. Ginan sa lahi ni Huda: si Ataya kay anak ni Usyas (si Usyas kay anak ni Sakaryas; si Sakaryas kay anak ni Amarya; si Amarya kay anak ni Sipatyas; ag si Sipatyas kay anak ni Mahalalil ginan sa linahi ni Paris);

Nihimyas 12:24

Inda ti takinan magtal-anakan manga Libita: si Hasabya, si Siribya, si Hisuwa, si Binuy, si Kadmiyil, ag ti iba waya nida manga kaibahan matindugan sa kanda tupad sa udas magkanta sa Balay Diyus manga pagdayaw hanggan pasalamat sa Diyus. Sida ti magsagut sa kanta sa baliw pag gurupu, angay sa sugu ni Dabid ti manugsirbi sa Diyus.

Nihimyas 6:1

Taynguna, nabaritaan nida ni Sanbalat, ni Tubyas, ni Gisim taga Arabya, ag iba waya nimi manga kalaban kuntay natapus yi nimi ti pagpatindug alad batu hanggan unman yi inda may manga buslut, purya wadi sa manga talakup unman waya naitakud.

Nihimyas 6:15

Natapus ti alad batu katpung ika-25 pag sirang sa ikan-um pag bulan, ti bulan Ilul. Natapus inda sa sulud 52 ka sirang.

Nihimyas 6:19

Pirmi pagsabihun sa kangku manga tawu tungkul sa mayad pag manga binwat ni Tubyas, ag pirmi diman magras-ug sa kanya ti manga pagsabihun niku. Parargu magsurat sa kangku si Tubyas hampay padalaun aku.