Nihimyas 6:13 - Hanunuu

¹³ Gustu lang nida aku padalaun ag pabuwatun kasalanan sa pagsunud sa sinabi ni Simaya, hampay puyaan nida aku ag kadat-an manga tawu.

Nihimyas 6:13 Iomraidhean Croise

Nihimyas 6:12

Naisip niku balaw nanhampang ti Diyus sa kanya, nu unman sinuhulan lang siya ni Sanbalat ag ni Tubyas kuntay sabihan tunda sa kangku.

Nihimyas 6:6

Kaindaay kay nakasurat: “Sinabihan aku ni Gisim magkun una naan siya pag mag-atag mag-asaydan niya kawu hanggan ti manga Hudiyu maggayak lumaban, kainda kay dahilan nu hayga ipinatindug maan niyu ti alad batu. Ag angay sa nasaydan niya, gustu nimu humari sa manga Hudiyu,

Kabagawan 22:1

Mayad man piliun ti malumpiyu pag ngaran kaysa mayamu pag kayamanan. Ti paggalang manga tawu sa kanmu mas mahalaga waya kaysa pilak ag gintu.

Kabagawan 29:5

Ti tawu magpabalhinguun magdayaw sa kay kaparihu, may paggayakun daut.

Manugtudlu 7:1

Nu kabitay ti mayad pag ngaran mas mayad kaysa mahalaga pag pamanglu, katunda diman ti sirang kamatayan mas mayad kaysa sirang paglusad.

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Hirimyas 1:17

Hirimyas, ialistu nimu kanmu sadili. Pag-ati kawu, sabihun nimu sa kanda ti tanan niku pagsabihun sa kanmu. Danga kawu magkadala sa kanda. Dahil nu kawu madala, lalu kawu kang padalaun sa atubangan nida.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Isikil 2:6

Ag kawu, anak tawu, danga kawu magkadala sa kanda. Danga kawu magkadala una waya kanda manga pagbagawun masakit ga dugi ngatay kagat alutatip. Danga gid kawu magkadala sa kanda hanggan sa kanda manga pagsabihun, una manga maglaban sida pag nasakupan.

Matiyu 10:28

Danga niyu kadalai ti magmatay sa bilug balaw makamatay sa karadwa. Dapat kadalaan niyu ti makamatay sa karadwa hanggan bilug sa impirnu.

Matiyu 22:15

Bag-u nag-ati ti manga Parisiyu nagpululungan sida nu kabitay nida mapasalan si Hisus sa kay bagaw.

Matiyu 26:59

Ti manga pangulu manughandug hanggan ti buu Katipunan manga Pinunu naghanap manga kastigus pudilun laban sa kan Hisus hampay masintinsiyahan siya sa kamatayan.

Binwat 6:13

Bag-u may bin-ul sida manga tawu magbintang sa kan Istiban magkun, “Inda pag tawu unman mag-apas sa kay sarabihun laban sa banal pag Balay Diyus ag laban sa Kasuguan ni Muysis.

2 Kurintu 11:12

Dapat iparargu di gid niku kang pagbuwatun inda hampay balaw masabi manga magpadayaw sa kanda buruwatun kuntay kanda pagsirbi parihu diman sa kanmi pagbuwatun.

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

2 Timutiyu 1:7

Dahil ti Ispiritu Diyus balaw magpakaun kadalaan sa kanta. Bagkus ngap kay ipinakaun Ispiritu sa kanta ti kapangyarihan, ti pagmahal ag ti mapinasunaidun.

Titu 2:8

Pagpirmi gid hustu angay sa katutuuhanan ti kanmu pagsabihun hampay unman may ikasabi una si unu sa kanmu pagbagawun. Nu katida mangay-a kanta manga kalaban dahil unman may tultulun sida laban sa kanta.

Santiyagu 4:17

Nu alam tawu ti dapat niya buwatun pag kaayadan bag-u unman waydi kay pagtupadun, siya magkasala.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”