Nihimyas 6:11 - Hanunuu

¹¹ Dapat sinmagut aku, “Balaw inda pag lalaki ti malagiw; hayga aku malagiw ag patagu sa sulud Balay Diyus hampay iribri kang buhi? Balaw aku patagu!”

Nihimyas 6:11 Iomraidhean Croise

Nihimyas 6:12

Naisip niku balaw nanhampang ti Diyus sa kanya, nu unman sinuhulan lang siya ni Sanbalat ag ni Tubyas kuntay sabihan tunda sa kangku.

Nihimyas 6:3

Nakan nanugu aku manga manugtultul hampay sabihun sa kanda magkun, “Mahalaga ti pagbuwatun niku taynguna, nakan unman aku makaasantag. Balaw niku mahimu apasan ti pagbuwat hampay lang makaasantag.”

Nihimyas 6:9

Alam niku pagpadalaun lang nida kami hampay umapas kanmi magbuwat. Dapat nandarangin aku sa Diyus kuntay pabisugun waya gid niya aku.

Kanta 112:6

Pihu rumig-un kay kahamtangan hanggan aban. Inda pag tawu balaw malimtan.

Kanta 112:8

Unman siya magkataranta ag magkadala dahil sa uryan makitan niya matalu kay manga kalaban.

Kabagawan 28:1

Ti daut pag tawu magpalagiw una unman may maglagas sa kanya, dapat ti matadlung pag tawu maisug parihu sa liyun.

Manugtudlu 10:1

Ti namatay pag langaw magpabawu sa usa ka pamanglu, katunda diman ti diit pag kalukuhan, magdaut sa kadunungan ag kadayawan.

Isayas 10:18

Nu kabitay ti sakit magdaut sa bilug tawu, dautun diman Panginuun ti marinu ag mayad pag kapuruan hanggan ti manga tanman hari Asirya.

Bilang 3:10

Si Aarun ag kay manga anak ti pilia nimu mansirbi bilang manga manughandug. Una si unu ti bumuwat sa manga buruwatun manughandug sa Turda bukun lahi ni Libi panmatyun.”

Binwat 20:24

Dapat unman pagpahalgaan niku kang buhi, nu matupad lang niku kang katungkulan ag nu matapus lang ti buruwatun kay ipinakaun Panginuun Hisus sa kangku, kang pagtudlu ngani Mayad pag Barita tungkul sa kay mayad nabubut-un Diyus.”

Binwat 21:13

Dapat sinabi ni Pablu magkun, “Hayga katida kamu? Hayga kamu maglumi ag magparuku diman sa kang tagipusuun? Dahil una aku kanda gapusun una mamatay waya aku, handa gid aku dahil sa kang magpasakup sa Panginuun Hisus.”

Binwat 8:1

Pinasnuan yi waydi ni Saulu hampay matyun yi ngani si Istiban. Ati katpung pag sirang nag-umpisa ti mahigpit pag-unuunu laban sa iglisya sa Hirusalim. Purya lang ti manga apustul, ti tanan manga nagsarig sa kan Hisus nangalat yi sa tanan rugar sa Hudiya hanggan sa Samarya.

Pilipus 2:17

Nu abi aku matyun, kang dugu ibuhus ga ihandug sa Panginuun dungan sa kanyu pag-ipakaun kanyu pagsarig sa kanya. Una abi ti ikamatay niku katida, masulung di aku ag mirinsan kita tanan magbaya.

Pilipus 2:30

Arani yi lang siya sa kamatayun, dahil unman inirangan niya kay budlay sa kay buruwatun kay tinanggap ginan sa kan Kiristu. Inawatan niya aku pinarargu niya kanyu iinawat sa kangku tugka sa kanyu makaya.

Hibriyu 11:27

Dahil sa kay pagsarig, nighit si Muysis ginan sa Ihiptu ag unman siya nadala sa kay pangagalit hari. Balaw siya mag-urung sa kay sarig, nakan bilang ga mag-akitan niya ti Diyus, langmadi unman mag-akitan sa mata.

1 Samwil 19:5

Ipinaun niya kay sadili katpung sa kay pagmatay sa Pilistiyu sa kan Gulyat ag pinanalu Panginuun ti buu Israil. Nakitan nimu inda ag nakabaya kawu. Bati hayga nimu pagkaibgan matyun ti usa ka tawu ud may nabwat salan parihu kan Dabid sa unman may dahilan?”