Nihimyas 6:1 - Hanunuu

¹ Taynguna, nabaritaan nida ni Sanbalat, ni Tubyas, ni Gisim taga Arabya, ag iba waya nimi manga kalaban kuntay natapus yi nimi ti pagpatindug alad batu hanggan unman yi inda may manga buslut, purya wadi sa manga talakup unman waya naitakud.

Nihimyas 6:1 Iomraidhean Croise

Nihimyas 13:4

Bag-u inda nangyari, si Ilyasib pag manughandug, ti magdumara sa manga haramnuan sa Balay nimi Diyus ag katawuhan ni Tubyas,

Nihimyas 2:10

Dapat pagka nadnugan ni Sanbalat taga Hurun hanggan ni Tubyas usa ka may kangaranan pag Amunita kuntay rinmas-ug aku hampay awatan ti manga Israilita, nagalit gid sida.

Nihimyas 2:19

Dapat pagka nabaritaan inda ni Sanbalat taga Hurun, ni Tubyas usa ka may kangaranan pag Amunita, ag ni Gisim usa ka Arabu, pinuyaan nida kami ag kinasarin-an. Magkun sida, “Unu kanyu pagbuwatun inda? Maggayak aw lugud kamu lumaban sa hari?”

Nihimyas 3:1

Ipinatindug ni Ilyasib pangulu manughandug hanggan kay manga kaibahan manga manughandug ti sabian pag ingarnan Karanidu. Natapus nida itakud kay talakup, itinigana nida inda sa Diyus. Ipinatindug diman nida ag itinigana ti manga alad batu tugka sa Bantayaw Usa ka Gatus hanggan sa Bantayaw ni Hananil.

Nihimyas 3:3

Ipinatindug manga anak ni Hasina ti Sabian pag-ingarnan Isda. Pinaulian nida inda manga bakalan, itinakud kay talakup ag binuwatan manga pangagad.

Nihimyas 3:6

Ti nagpatindug Daan Sabian si Huyada kay anak ni Pasya ag si Misulam kay anak ni Bisudiya. Pinaulian nida inda manga bakalan, itinakud kay manga talakup ag binuwatan manga pangagad.

Nihimyas 4:1

Pagka nabaritaan ni Sanbalat ipinatindug maan nimi ti alad batu, nagalit gid siya ag pinuyaan niya kami ti manga Hudiyu.

Nihimyas 7:1

Pagka natapus yi ti alad batu banwa, ag naitakud yi ti manga sabian, itinigana sa katungkulan nida ti manga manugguwardiya sa manga puwirtahan banwa, ti manga manugkanta sa Balay Diyus, hanggan ti manga Libita.

Danyil 9:25

“Kailangan nimu maintindihan ag masalman ginan sa udas nagsugu kuntay patindugan maan ti Hirusalim tugka sa pagras-ug pinili Diyus pag takinan, makalawuy dap ti 49 ka timpu. Ag sa sulud 434 ka timpu utru maan ipatindug ti Hirusalim may manga buruybuyahan hanggan palalan-iban. Bumaliw magulu sa tunda katpung pag udas.