Nihimyas 4:8 - Hanunuu

⁸ Naggayak sida tanan girahun nida ti Hirusalim hampay guluhun kami.

Nihimyas 4:8 Iomraidhean Croise

2 Samwil 10:12

Pagpakatatag kamu! Manlaban kita sa buu nita kabisugan para sa kanta manga nasakupan hanggan sa manga banwa nita Diyus. Buwatun Panginuun nu hintay ti mayad sa kanya.”

2 Krunika 32:7

“Pagmatutum kamu ag pagpakaisug. Danga kamu magkadala ngatay manlubay dahil sa hari taga Asirya ngatay sa mayamu niya pag manga sundalu. Dahil higit makamaskihan ti sa kanta kaysa sa kanya.

Nihimyas 1:5

Magkun aku, “Panginuun, Diyus sa langit, makamaskihan kawu ag makadululaw pag Diyus. Pagtupadun nimu kanmu kasunduan may pagmahal sa manga magmahal sa kanmu ag magtupad sa kanmu manga sugu.

Nihimyas 4:7

Dapat pagka nabaritaan nida ni Sanbalat, ni Tubyas hanggan manga Arabu, manga Amunita ag manga taga Asdud parargu ti pagpatindug alad batu Hirusalim hanggan kay manga buslut inda natakluban yi, magkagalit gid sida.

Hirimyas 20:10

Nasaydan niku ti magpuya manga tawu. Pag-ulitun nida kang manga pagsabihun magkumun, “Madala ti nakasangput sa kanta! Isumbung nita siya!” Una kang manga kakilala mag-alagad sa kang kadamhakan. Pagsabihun nida, “Barang abi madaya nita siya. Nu mangyari tida, manalu kita ag mabalusan nita siya.”

Danyil 9:25

“Kailangan nimu maintindihan ag masalman ginan sa udas nagsugu kuntay patindugan maan ti Hirusalim tugka sa pagras-ug pinili Diyus pag takinan, makalawuy dap ti 49 ka timpu. Ag sa sulud 434 ka timpu utru maan ipatindug ti Hirusalim may manga buruybuyahan hanggan palalan-iban. Bumaliw magulu sa tunda katpung pag udas.

Diyuturunumiyu 1:29

“Bag-u magkun aku sa kanyu, ‘Danga kamu magkakulbaan ngatay magkadala sa kanda.