Nihimyas 4:23 - Hanunuu

²³ Dahil pirmi kami magtanud, aku hanggan kang manga katawuhan, manga tawuhan, hanggan manga guwardiya unman yi kami nan-ilis kanmi manga sulung rutay. Ag una mag-atag kami sa danum dara-dara nimi kanmi manga armas.

Nihimyas 4:23 Iomraidhean Croise

Nihimyas 4:22

Sa tunda pag udas, magkun diman aku sa manga tawu mag-ulian sa luwas Hirusalim, sida hanggan kanda manga panawuhun pagsulud sa banwa nu yabi hampay magtanud sida, ag aldaw surip maan pag makatarabahu sida.

Nihimyas 5:1

Nagdangup ti iba ka manga lalaki hanggan kanda manga asawa sa kanda kaparihu manga Hudiyu.

Nihimyas 5:16

Bagkus ngapu, binuwat niku ti tanan hampay maipatindug uman ti alad batu sa awat niku manga tawuhan. Ag unman gid aku nangapu daga.

Nihimyas 7:2

Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

Talaghusay 5:11

Patingihi niyu ti manga tultulanun manga tawu sa sangput manga bubun. Pag-itultul nida ti manga panalu Panginuun sa manga sundalu sa Israil. Bag-u namatakda ti nasakupan Panginuun sa may puwirtahan banwa magkun,

Talaghusay 9:48

dinara niya kay manga tawuhan sa Bantud Salmun. Pagras-ug nida ati, nagbuul si Abimilik wasay ag nanpulud manga sanga kayu ag pinas-an. Sinabihan diman niya kay manga tawuhan, “Kabisug kamu ag buwata niyu kang binwat.”