Nihimyas 4:12 - Hanunuu

¹² Ti manga Hudiyu mag-uli arani sa kanda pirmi magbarita sa kanmi kanda gayak sa paggira.

Nihimyas 4:12 Iomraidhean Croise

Gimpuunan 31:41

Sa sulud duwapulu ka timpu sa kang mag-ulian sa kanmu, 14 timpu aku nagsirbi sa kanmu para sa duwa nimu ka anak babayi. Nagsirbi waya aku unum ka timpu hampay bantayan kanmu manga hayup. Dapat hintay kanmu binwat? Sampulu ka ulit nimu binag-u ti pagbayad nimu sa kangku.

Gimpuunan 31:7

dapat dinaya waya niya aku. Sampulu ka ulit niya binag-u ti kabaydanan niku. Dapat balaw aku pinabay-anan Diyus api-apihun lang niya.

Nihimyas 4:11

Sa baliw baliwa, magkun kanmi manga kalaban, “Padiklahun nita sida, bag-u nida makitan, naslud yi nita kanda rugar. Panmatyun nita sida, umapas yi kanda magtarabahu.”

Nihimyas 4:13

Nakan nagpauli aku manga tawu hampay magtanud sa pinakaababa pag bahagi alad batu madali suldun. Ipinatanud niku sida ati magkagurupu sa kada magtal-anakan, may manga armas sida — manga baladaw, bangkaw ag pamana.

Hub 19:3

Pira yi ginan pagsurugun niyu aku daut. Unman kamu magkay-a magpuya sa kangku.

Danyil 1:20

Sa tanan ipinaingana hari sa kanda, nakitan niya kanda kadunungan sampulu ka dubli sa kadunungan manga manugsalumangka hanggan pandaniwan sa buu niya kaharian.

Bilang 14:22

unman una di usa sa kanda ti makaslud sa itinaratu niku pag daga sa kanda manga ginurang. Dahil una nakitan nida kang kadayawan hanggan ti manga makadululaw pag binwat niku sa Ihiptu ag sa pangawakawaan, pirmi diman nida aku pagsubukan ag unman sida magsunud sa kangku. Nakan balaw gid makaslud sa tunda pag daga ti manga magdayu sa kangku.