Nihimyas 3:15 - Hanunuu

¹⁵ Ti nagpatindug Sabian Atabug sa Bulbugan kay anak ni Kul Husi si Salum, takinan distritu Mispa. Inatpan niya inda, itinakud kay sabian bag-u binuwatan pangagad. Ipinatindug diman niya ti alad batu pararigsan sa Siluam, arani sa gardin hari, tugka sa may agdan palus-ug ginan sa Banwa ni Dabid.

Nihimyas 3:15 Iomraidhean Croise

2 Samwil 5:9

Pagka nasakup ni Dabid ti mapag-un pag kampu Siun, ati yi siya pag nangulian ag iningarnan niya tunda Banwa ni Dabid. Dinugangan niya tunda alad batu sa kay libut ginan sa ababa pag bahagi banwa.

2 Hari 25:4

Taynguna, tinumpag manga taga Babilunya ti usa ka bahagi alad batu banwa, nakan naggayak si Sidikyas hanggan ti tanan niya manga sundalu agud malagiw. Dapat dahil pinalibutan manga taga Babilunya ti banwa, mag-alagad dapu sida tugka yumabi. Bag-u naglakaw sida sa sabian, sa karaw-an duwa ka alad batu arani sa gardin hari. Nagpalagiw sida atag sa Karatagan Hurdan,

2 Krunika 32:30

Si Isikyas ti nagsugu kuntay puniti ti lakawan danum ginan sa bulbugan Gihun ag pabulusun inda atabug sa isalpan Banwa ni Dabid. Nagmarapanalu si Isikyas sa tanan niya binwat.

Nihimyas 12:37

Pagras-ug nida sa Sabian Atabug sa Bulbugan, dinmayik sida sa agdan atabug sa Banwa ni Dabid. Linmakaw sida sa balay hari ni Dabid tugka sa nakaras-ug sida sa Sabian Atabug sa Danum, baliwa sa butlakan sa banwa.

Nihimyas 2:14

Naparargu aku sa Sabian Atabug sa Bulbugan tugka sa Pararigsan Hari, dapat unman makalawuy kang asnu ati.

Nihimyas 2:17

Dapat taynguna magkun aku sa kanda, “Nakitan niyu ti kaawaawa pag kahamtangan nita banwa. Guba ti Hirusalim ag sunug kay manga sabian inda. Utru nita ipatindug ti manga alad batu Hirusalim hampay balaw yi kita mangay-a.”

Nihimyas 3:12

Ti dinmasun sa kanda kay anak ni Haluhis si Salum, takinan katunga distritu sa Hirusalim. Inawatan siya niya manga anak babayi.

Nihimyas 3:14

Ti napagtindug Sabian Rayamtan Paruk kay anak ni Rikab si Malkiyas, takinan distritu Bit Hakirim. Itinakud niya ti manga sabian inda, ag binuwatan manga pangagad.

Nihimyas 3:19

Ti dinmasun kay anak ni Hiswa si Isir takinan Mispa. Ipinatindug niya ti bahagi alad batu maatubangan sa haramnuan manga armas tugka sa suuk alad batu.

Nihimyas 3:7

Ti nagpatindug kay dasun pag bahagi alad batu sida ni Milatyas taga Gibyun, Hadun taga Mirunut, hanggan ti manga lalaki taga Gibyun ag taga Mispa. Inda pag manga rugar sakup gubirnadur purubinsiya sa isalpan Iyupratis.

Nihimyas 3:9

Ti dinmasun sa kanda kay anak ni Hur si Ripayas, takinan katunga distritu Hirusalim.

Manugtudlu 2:6

Nagpabuwat aku manga bubun hampay padanman kang tanman.

Isayas 8:6

“Dahil binugyahan manga tawu ti danum Silua magbulus malway, ag magbaya sida sa kan Hari Risin hanggan sa kan Hari Pika,

Hirimyas 40:6

Nakan nighit si Hirimyas bag-u nag-atag sa kan Gidalyas ati sa Mispa ag nangulian ati kaibahan manga tawu natayak.

Lukas 13:4

Hanggan ati pag sampulu may walu ka tawu nagpuan bantayaw sa Silui ag namatay, barang kanyu isip daka man kanda kasalanan sa tanan kaparihu nida mag-uli sa Hirusalim.

Huwan 9:7

Bag-u kay sinabi niya magkun, “Pag-ati duy kawu pag-iram-us sa may pararigsan sa Siluam.” (Tunda pag bagaw Siluam kay kahulugan sinugu.) Nag-ati ngani ti tawu buta nangiram-us. Pagka siya binmalik, maghiling yi siya.

Talaghusay 20:1

Ti tanan Israilita ginan sa Dan tugka sa Biirsiba hanggan ti ginan sa Gilyad nagtipun sa Mispa, sa atubangan Panginuun.

Talaghusay 20:3

Nakadnug ti manga taga Binhamin kuntay ti kaparihu nida manga Israilita nagtipun sa Mispa. Taynguna nagpaingana ti manga Israilita, “Kabitay nangyari inda pag kadautan?”