Nihimyas 3:14 - Hanunuu

¹⁴ Ti napagtindug Sabian Rayamtan Paruk kay anak ni Rikab si Malkiyas, takinan distritu Bit Hakirim. Itinakud niya ti manga sabian inda, ag binuwatan manga pangagad.

Nihimyas 3:14 Iomraidhean Croise

2 Samwil 4:2

May duwa ka tawuhan si Isbusit magpanguna sa paggira sa manga banwa manga kalaban: si Baana ag si Rikab. Manga anak sida ni Rimun taga Biirut, ginan sa lahi ni Binhamin. Ti Biirut taynguna sakup Binhamin,

2 Hari 10:15

Pag-ighit ni Hihu ati, nakitan niya si Hihunadab kay anak ni Rikab magras-ug sa pagsulang sa kanya. Kinamusta siya ni Hihu ag pinaingana, “Matinupadun aw kawu sa kangku parihu sa kang pagkamatinupadun sa kanmu?” Sinmagut si Hihunadab, “Hu duy.” Magkun si Hihu, “Nu katida, haytag kanmu kamang.” Itinunghul ni Hihunadab kay kamang ag ipinasaka siya ni Hihu sa kay kalisa.

1 Krunika 6:40

Si Simya anak ni Mikail. Si Mikail anak ni Baasiya. Si Baasiya anak ni Malkiya.

Nihimyas 12:31

Dinara niku ti manga takinan Huda sa babaw alad batu, bag-u tinipun niku ati ti duwa ka daraka pag gurupu manga manugkanta hampay mamasalamat sa Diyus. Kay usa ka gurupu naghatay ati sa babaw alad batu atabug sa Sabian Rayamtan Paruk.

Nihimyas 2:13

Linmuwas aku sa Sabian Maatubangan sa Luung bag-u inmatag sa Bubun Daragun tugka sa may Sabian Rayamtan Paruk. Dinuawan niku mayad ti nadaut pag manga alad batu Hirusalim hanggan ti manga sabian nagkarasunug.

Nihimyas 3:9

Ti dinmasun sa kanda kay anak ni Hur si Ripayas, takinan katunga distritu Hirusalim.

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.