Nihimyas 3:1 - Hanunuu

¹ Ipinatindug ni Ilyasib pangulu manughandug hanggan kay manga kaibahan manga manughandug ti sabian pag ingarnan Karanidu. Natapus nida itakud kay talakup, itinigana nida inda sa Diyus. Ipinatindug diman nida ag itinigana ti manga alad batu tugka sa Bantayaw Usa ka Gatus hanggan sa Bantayaw ni Hananil.

Nihimyas 3:1 Iomraidhean Croise

Nihimyas 12:10

Si Hisuwa kay ama ni Huyakim. Si Huyakim kay ama ni Ilyasib. Si Ilyasib kay ama ni Huyada.

Nihimyas 12:30

Nagbuwat tun-anun sa paglumpiyu ti manga manughandug hanggan ti manga Libita hampay malumpiyu sida, ag katunda diman kanda binwat para sa manga tawu, sa manga puwirtahan banwa hanggan sa alad batu.

Nihimyas 12:39

Siyun ginan linmakaw kami sa Sabian ni Ipraim, sa Daan Sabian, sa Sabian pag-ingarnan Isda, sa Bantayaw ni Hananil, ag sa Bantayaw Usa ka Gatus. Bag-u linmakaw kami sa Sabian pag-ingarnan Karanidu ag nagpat-ung sa may Sabian Guwardiya.

Nihimyas 13:28

Si Huyada anak pangulu manughandug ni Ilyasib may anak nakaasawa sa kay anak ni Sanbalat taga Hurun, nakan pinaighit niku siya.

Nihimyas 13:4

Bag-u inda nangyari, si Ilyasib pag manughandug, ti magdumara sa manga haramnuan sa Balay nimi Diyus ag katawuhan ni Tubyas,

Nihimyas 3:20

Ti dinmasun maan si Baruk kay anak ni Sabay. Ipinatindug niya may kasipagan ti bahagi alad batu ginan maan sa suuk alad batu tugka sa sabian baliwa balay ni Ilyasib pangulu manughandug.

Nihimyas 3:21

Ti dinmasun sa kanya si Mirimut kay anak ni Uryas ag kay laki ni Hakus. Ipinatindug niya ti bahagi alad batu ginan sa may sabian baliwa balay ni Ilyasib tugka sa katapusan lingub balay.

Nihimyas 3:32

Ti manga panday pilak hanggan ti manga manugnigusyu ti nagpatindug bahagi alad batu ginan sa tunda pag sulud-sulud tugka sa Sabian manga Karanidu.

Nihimyas 6:1

Taynguna, nabaritaan nida ni Sanbalat, ni Tubyas, ni Gisim taga Arabya, ag iba waya nimi manga kalaban kuntay natapus yi nimi ti pagpatindug alad batu hanggan unman yi inda may manga buslut, purya wadi sa manga talakup unman waya naitakud.

Nihimyas 7:1

Pagka natapus yi ti alad batu banwa, ag naitakud yi ti manga sabian, itinigana sa katungkulan nida ti manga manugguwardiya sa manga puwirtahan banwa, ti manga manugkanta sa Balay Diyus, hanggan ti manga Libita.

Kanta 30:1

Pagdayawun niku kawu, Panginuun, dahil irinibri nimu aku sa kadautan. Balaw nimu pinahintulutan alukayuhun aku niku manga kalaban sa kang kahamtangan.

Kanta 48:12

Manga Israilita, sangputa niyu ti Siun ag bilanga kay manga bantayaw.

Kabagawan 3:6

Alalahana ti Panginuun sa tanan nimu pagbuwatun, ag giyahan niya kawu sa matadlung pag dalan.

Kabagawan 3:9

Dayawa ti Panginuun sa panab-anan pagsagda kanmu manga kasiyunan sa kanya, hanggan pagsagda un-an pag bahagi sa tanan nimu ani.

Hirimyas 31:38

Parargu pagsabihun Panginuun, “Rumas-ug ti udas ti banwa Hirusalim utru ipatindug ginan sa Bantayaw ni Hananil tugka sa Suuk Sabian.

Danyil 9:25

“Kailangan nimu maintindihan ag masalman ginan sa udas nagsugu kuntay patindugan maan ti Hirusalim tugka sa pagras-ug pinili Diyus pag takinan, makalawuy dap ti 49 ka timpu. Ag sa sulud 434 ka timpu utru maan ipatindug ti Hirusalim may manga buruybuyahan hanggan palalan-iban. Bumaliw magulu sa tunda katpung pag udas.

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.

Huwan 5:2

Sa usa ka puwirtahan sa may alad batu sa Hirusalim, sa may palalakawan manga karanidu, may danum pararigsan. Nu sa bagaw Hibriyu tunda pag pararigsan kay ngaran Bitisda. Sa kay palibut pararigsan may lima ka parat-ungan.

Diyuturunumiyu 20:5

“Bag-u sumabi ti manga takinan sa manga sundalu, ‘Nu may imaw sa kanyu bag-u lang nakapatindug kay balay ag unman waya niya inda naidarangin sa Panginuun, pag-uli siya barang mamatay siya sa girahan ag iba pag tawu ti pumadarangin sa kay balay.