Nihimyas 2:7 - Hanunuu

⁷ Namakihampang diman aku sa hari, “Nu mahimu, Mahal Hari, pakan-i aku manga surat para sa manga gubirnadur purubinsiya sa isalpan Iyupratis, hampay pasnuan nida aku lumawuy sa kanda magkasaklawan sa kang pag-uli sa Huda.

Nihimyas 2:7 Iomraidhean Croise

Isra 6:6

Nakan nagpadara si Hari Daryu kaindaay pag tultulanun sa kanda ni Tatinay ti gubirnadur purubinsiya sa isalpan Iyupratis, hanggan sa kan Sitar Businay, ag sa kaparihu nida manga takinan siyun pag purubinsiya: “Pagpakarayu kamu siyun ginan sa Balay Diyus.

Isra 7:21

“Aku, si Hari Artasirsis, may sugu sa tanan manughamnu kayamanan sa purubinsiya isalpan Iyupratis ipakaun gid niyu una hintay ti hagadun sa kanyu ni Isra manughandug ag manugtudlu Kasuguan Diyus sa langit.

Isra 8:22

Dahil magkay-a aku manhagad sa hari manga sundalu ag manga manugkabayu mangalaga sa kanmi laban sa manga kalaban habang maglakaw kami, dahil nagsabi yi kami sa hari awatan nimi Diyus ti tanan magsarig sa kanya, dapat magkagalit gid ti Diyus sa manga magdayu sa kanya.

Isra 8:36

Ipinakaun diman nida sa manga gubirnadur ag manga takinan sa purubinsiya isalpan Iyupratis ti kasuratan nu naan isinurat ti sugu hari. Ag inda pag manga takinan nag-awat sa nasakupan Israil ag sa Balay Diyus.

Nihimyas 2:9

Sa pag ginan niku, pinaibahan waya aku hari sa kay manga may kangaranan sundalu hanggan manga manugkabayu. Pagras-ug niku sa isalpan Iyupratis, ipinakaun niku sa manga gubirnadur ti surat hari.

Nihimyas 3:7

Ti nagpatindug kay dasun pag bahagi alad batu sida ni Milatyas taga Gibyun, Hadun taga Mirunut, hanggan ti manga lalaki taga Gibyun ag taga Mispa. Inda pag manga rugar sakup gubirnadur purubinsiya sa isalpan Iyupratis.