Nihimyas 2:20 - Hanunuu

²⁰ Sinagut niku sida, “Manalu kami sa panab-anan awat Diyus sa langit. Kami kay manga manugsirbi umumpisa yi sa pagpatindug manga alad batu Hirusalim. Dapat kamu unman gid may labut ag unman may karampatan sa Hirusalim, ag balaw kamu kahuray inda sa kay tultulanun.”

Nihimyas 2:20 Iomraidhean Croise

2 Krunika 26:5

Nagdangup siya sa Diyus sa panahun ni Sakaryas, imaw ti nagtudlu sa kanya sa paggalang sa Diyus. Habang parargu kay magdangup sa Panginuun, pagpaalwanun siya Diyus.

Isra 4:3

Dapat inda ti isinagut nida ni Surubabil, ni Hisuwa, hanggan manga takinan manga magtal-anakan: “Sinugu kami ni Hari Sayrus taga Pirsiya kuntay bungsudan maan ti Balay Diyus. Dapat unman kamu kaibahan sa pagpabungsud inda para sa kanmi Diyus. Kami lang ti manbungsud inda para sa Panginuun ti Diyus Israil.”

Nihimyas 1:4

Pagka nasaydan niku tida, tinmukaw aku ag nanlumi. Pira ka sirang magpanrukuan aku, unman maghandum karan-unun, hanggan nandarangin sa atubangan Diyus sa langit.

Nihimyas 2:4

Nagpaingana ti hari, “Unu kanmu gustu?” Nandarangin aku sa Diyus sa langit,

Istir 4:11

“Alam tanan sa buu kaharian una si unu ti pumakarani sa hari sa sugkadan turukawan, lalaki man ngatay babayi, balaw pagpatawagun pihu gid matyun, purya lang nu itudlu hari kay sugkud gintu sa tunda pag tawu. Ag usa yi aku ka bulan balaw pag patawagun hari.”

Kanta 102:17

Pagsagtun niya ti darangin manga kaawaawa; balaw niya dayuun kanda darangin.

Kanta 122:6

Pagdarangin kamu para sa mayad pag kahamtangan sa Hirusalim sa panab-anan pagsabi, “Mana ngani ti magmahal sa inda pag banwa umalwan.

Kanta 20:5

Manhuruyawan kami sa kanmu pagpanalu; may kabayaan gid kami sa pagdayaw sa kanta Diyus. Mana ngani iayaw Panginuun ti tanan nimu paghagadun.

Kanta 35:27

Mana manhuruyawan sa kabayaan ti manga magbaya sa kang paglaya ginan sa manga bangdan. Mana pirmi sida sumabi, “Pagdayawun ti Panginuun, magbaya sa kaayadan niya manugsirbi.”

Kanta 51:18

Diyus, papaladi ti Siun, ti banwa Hirusalim, dahil pag-ikabaya nimu buwatun inda. Patindugan maan kay manga alad batu tunda.

Pag-ighit 28:29

“Nu sumulud si Aarun sa Banal pag Sulud-sulud kailangan sulung niya ti bursa sa dubdub may manga ngaran linahi ni Israil hampay alalahanun niku sida pirmi.

Manugtudlu 7:18

Danga kawu magpasyadu sa tunda pag manga bagay; kailangan sa karaw-an lang kawu, dahil ti maggalang sa Diyus unman magpasubra sa una hintay pag bagay.

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Libitiku 2:2

Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Libitiku 24:7

Paulii niyu lunsay pag kamangyan sa saruy kada tinungbaw. Ti kamangyan imaw kay pinagka handug sa pag-alaala sa Panginuun. Sunugun inda bilang handug sa panab-anan apuy sa halip ti manga tinapay.

Sakaryas 6:14

Ti kuruna ipauli sa kang Balay bilang pag-alaala sa kanda ni Hilday, ni Tubyas, ni Hidaya, ag ni Husyas kay anak ni Sipanyas.”

Bilang 10:10

Sa udas magsaya niyu — sa kanyu pag-alaala sa kapistahan, hanggan sa Pista Lapus Lati — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”

Binwat 10:31

Magkun siya sa kangku, ‘Kurnilyu, nadnugan Diyus kanmu manga darangin. Pagbayaun niya kanmu awat sa manga makuri.

Binwat 10:4

Kinulbaan kay tinmurun sa anghil bag-u sinabi niya, “Hintay duy asan?” Nagsagut ti anghil magkun, “Pagbayaun Diyus kanmu manga darangin hanggan kanmu awat sa manga makuri. Nakan pirmi kawu kay pag-alalahanun.

Binwat 8:21

Unman kawu may karampatan makaawat sa inda pag buruwatun, dahil kanmu tagipusuun unman malumpiyu sa kay magbantay Diyus.