Nihimyas 2:17 - Hanunuu

¹⁷ Dapat taynguna magkun aku sa kanda, “Nakitan niyu ti kaawaawa pag kahamtangan nita banwa. Guba ti Hirusalim ag sunug kay manga sabian inda. Utru nita ipatindug ti manga alad batu Hirusalim hampay balaw yi kita mangay-a.”

Nihimyas 2:17 Iomraidhean Croise

Isra 9:9

Una manga panawuhun kami, unman nimu kami pagbay-anan sa kanmi pagkapanawuhun, bagkus ngap pag-ipakakit di nimu kanmu pagmahal sa kanmi sa panab-anan mayad pagpasunaid sa kanmi manga hari sa Pirsiya. Binuwat nimu inda hampay mapakan-an nimu kami bag-u pag buhi, hampay maibungsud maan nimi kanmu nadaut pag Balay, hanggan hampay maalagaan nimu kami sa Huda ag Hirusalim.

Nihimyas 1:3

Sinmagut sida, “Magkakurian gid ti manga nakabalik sa Huda, pagpuyaan sida manga tawu sa palibut nida. Ag tugka taynguna, daut waya ti alad batu Hirusalim hanggan sunug kay manga sabian inda.”

Nihimyas 2:13

Linmuwas aku sa Sabian Maatubangan sa Luung bag-u inmatag sa Bubun Daragun tugka sa may Sabian Rayamtan Paruk. Dinuawan niku mayad ti nadaut pag manga alad batu Hirusalim hanggan ti manga sabian nagkarasunug.

Nihimyas 2:16

Unman may alam ti manga may kangaranan sa banwa nu naan aku ginan ag nu hintay kang binuwat. Dahil unman waya gid aku may tinultulan Hudiyu tungkul sa kang gayak, una ti manga manughandug, manga takinan, manga may kangaranan, ag ti iba waya asan sa gubirnu.

Nihimyas 3:15

Ti nagpatindug Sabian Atabug sa Bulbugan kay anak ni Kul Husi si Salum, takinan distritu Mispa. Inatpan niya inda, itinakud kay sabian bag-u binuwatan pangagad. Ipinatindug diman niya ti alad batu pararigsan sa Siluam, arani sa gardin hari, tugka sa may agdan palus-ug ginan sa Banwa ni Dabid.

Kanta 102:15

Ti manga nasyun gumalang sa Panginuun; ti tanan pag hari sa kalibutan gumalang sa kay kadayawan.

Kanta 44:13

Binwat nimu kami makakaray-a ag karasarin-an manga kaarani nimi manga nasyun.

Kanta 44:14

May manga kabagawan waya sida magpuya sa kanmi, ag mag-il-ilung sida magsurug sa kanmi.

Kanta 79:12

Panginuun, balusi pitu ka dubli kanmi katupad manga nasyun sa kanda magpuya sa kanmu.

Kanta 79:4

Pagpakay-ahun kami ag pagpuyaan manga nasyun sa kanmi sangput.

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Karukuan 2:2

Dinaut niya unman may awa ti tanan manga balay sa manga linahi ni Hakub. Sa kay pangagalit pinandaut niya ti manga may alad batu pag manga banwa sa Huda. Ipinatabu niya ag pinakay-a inda pag kaharian hanggan ti manga takinan siyun.

Karukuan 3:51

Masyadu gid aku nabyatan sa nalakawan manga babayi sa kanmi banwa.

Isikil 5:14

Dautun niku kanyu banwa ag puyaan kamu manga nasyun sa kanyu sangput ag manga maglawuy sa kanyu rugar.

Mikas 7:11

Magkun si Mikas sa manga taga Hirusalim, “Rumas-ug ti sirang ipatindug maan niyu kanyu manga alad batu, ag lalu dumaka kanyu magkaakupahan daga.

1 Samwil 11:2

Sinmagut si Nahas magkun, “Hu, magpasnu aku. Dapat kaindaay kang buwatun sa kanyu, tanan-tanan niyu sikun mata kang luwatun hampay puyaan ti buu Israil.”