Nihimyas 13:22 - Hanunuu

²² Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:22 Iomraidhean Croise

2 Hari 20:3

“Panginuun, alalahana duy nimu nu kabitay aku nangabuhi matinupadun sa kanmu ag nagsirbi buu tagipusuun, ag nu kabitay aku nagbuwat mayad sa kanmu magbantay.” Ag nanlumi siya matnug.

2 Hari 23:4

Bag-u sinugu ni Hari Husyas si Hilkiyas ti takinan manga manughandug, hanggan ti manga manughandug dasun sa katungkulan ni Hilkiyas, ag ti manga manughandug magguwardiya sa sabian Balay Diyus, agud bul-un sa Balay Diyus Panginuun ti tanan kagamitan paggamitun sa magsamba sa kanda ni Baal, ni Asira, ag sa tanan bagay sa langit. Ipinasunug niya inda sa luwas Hirusalim, sa katanmanan Kidrun, ag dinara kay dapug sa Bitil.

2 Krunika 29:24

Pagkatapus, iniyaw manga manughandug ti manga kambing ag ibinuhus kay dugu inda sa harandugan bilang handug sa pag lumpiyu sa kasalanan tanan Israilita. Dahil nagsugu ti hari magpakaun manga handug pagsunugan ag manga handug sa pag lumpiyu para sa tanan Israilita.

2 Krunika 29:27

Bag-u nagsugu si Isikyas ihandug sa harandugan ti manga handug pagsunugun. Mintaras maghandug, magkanta manga pagdayaw sa Panginuun ti manga tawu, magpatunug kanda manga budyung ag iba waya pag manga kagamitan magtunug ni Hari Dabid taga Israil.

2 Krunika 29:30

Nagsugu si Hari Isikyas hanggan kay manga may kangaranan sa manga Libita hampay dayawun ti Panginuun sa panab-anan manga kanta binwat ni Hari Dabid ag ni purupita Asap. Nakan nanganta sida manga kanta pagdayaw may kabayaan habang mayungduan sida sa pagsamba sa Diyus.

Nihimyas 12:10

Si Hisuwa kay ama ni Huyakim. Si Huyakim kay ama ni Ilyasib. Si Ilyasib kay ama ni Huyada.

Nihimyas 12:30

Nagbuwat tun-anun sa paglumpiyu ti manga manughandug hanggan ti manga Libita hampay malumpiyu sida, ag katunda diman kanda binwat para sa manga tawu, sa manga puwirtahan banwa hanggan sa alad batu.

Nihimyas 13:14

Bag-u nandarangin aku, “Diyus niku, alalahana nimu aku, danga gid pagkalimti ti manga mayad niku pag binwat para sa kanmu Balay hanggan sa manga buruwatun sitay.”

Nihimyas 13:31

Siniguradu diman niku ti manga pamagba sa handug madara sa kang-ud pag panahun, hanggan ti manga un-an pag ani. “Diyus niku, alalahana nimu aku ag papaladi.”

Nihimyas 5:19

Nandarangin aku, “Diyus niku, mana papaladan nimu aku sa tanan niku pag buwatun para sa inda pag kalamalayan.”

Kanta 130:7

Manga taga Israil, pagsarig kamu sa Panginuun, dahil mapagmahal siya ag pirmi alistu sa pagribri.

Kanta 5:7

Dapat aku, makasaka di sa kanmu banal pag Balay dahil sa kanmu daka pag pagmahal sa kangku. Ag ati dayawun niku kawu may paggalang.

Kanta 51:1

Diyus, kaawai nimu aku, angay sa kanmu pag pagmahal. Payida kang manga kasalanan angay sa kanmu daka pag pangaawa sa kangku.

Isayas 38:3

Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Isayas 49:23

Sumirbi sa kanmu ti manga hari hanggan ti manga rayna; sida ti mangalaga sa kanmu manga anak. Manluhud sida sa kanmu bilang paggalang, ag pumasakup gid sida sa kanmu. Bag-u maalaman nimu aku ti Panginuun, ti manga magsarig sa kangku balaw mibuyu.”

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

Diyuturunumiyu 5:12

“ ‘Alalahana niyu ti Sirang Pamahari, ag buwata niyu inda pinakabukudtangi pag sirang para sa kangku, ti Panginuun niyu Diyus, angay sa kang pag-isugu sa kanyu.