Nihimyas 13:14 - Hanunuu

¹⁴ Bag-u nandarangin aku, “Diyus niku, alalahana nimu aku, danga gid pagkalimti ti manga mayad niku pag binwat para sa kanmu Balay hanggan sa manga buruwatun sitay.”

Nihimyas 13:14 Iomraidhean Croise

2 Hari 20:3

“Panginuun, alalahana duy nimu nu kabitay aku nangabuhi matinupadun sa kanmu ag nagsirbi buu tagipusuun, ag nu kabitay aku nagbuwat mayad sa kanmu magbantay.” Ag nanlumi siya matnug.

1 Krunika 29:3

Ag dahil sa kang kagustuhan ipatindug ti Balay para sa kang Diyus, ipakaun niku kang sadili pag manga gintu ag pilak, bukud waya sa manga garamitun natipun yi niku para sa banal pag Balay Diyus.

2 Krunika 24:16

Ilinbung siya sa kalubngan manga hari sa Banwa ni Dabid, dahil sa mayad pag manga binwat niya sa Israil para sa Diyus hanggan sa Balay Diyus.

Isra 7:20

Nu may iba waya kawu kailangan para sa Balay Diyus, pagbuul lang kawu panggastus ginan sa pundu kaharian.

Isra 7:24

Pag-ipaalam diman nimi sa kanyu danga niyu pagpabayada buwis ag iba waya baraydan ti manga manughandug, manga Libita, manga manugkanta, manga guwardiya sa manga sabian Balay Diyus, manga suruguun sa Balay Diyus, ag iba waya pag manugsirbi siyun pag Balay Diyus.

Isra 7:27

Nagsabi si Isra: Dayawun ti Panginuun, ti Diyus nita manga ginurang, ti nag-ayuhap sa tagipusuun hari kuntay kilalahun niya ti Balay Diyus Panginuun sa Hirusalim.

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:31

Siniguradu diman niku ti manga pamagba sa handug madara sa kang-ud pag panahun, hanggan ti manga un-an pag ani. “Diyus niku, alalahana nimu aku ag papaladi.”

Nihimyas 5:19

Nandarangin aku, “Diyus niku, mana papaladan nimu aku sa tanan niku pag buwatun para sa inda pag kalamalayan.”

Isayas 38:3

Magkun siya, “Panginuun, alalahana duy nimu nu kabitay aku namuhi matinupadun ag buu tagipusuun nagsirbi sa kanmu ag nu kabitay aku nagbuwat mayad sa magbantay nimu.” Ag namurus siya sa lumi.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Ipinakakit 3:5

Ti manalu pag tawu imaw ti makasulung rutay malagti. Dayu bul-un niku kay ngaran ginan sa ribru kabuhian. Magkakilala niku siya sa atubangan niku Ama hanggan sa atubangan niya manga anghil.