Nihimyas 13:12 - Hanunuu

¹² Utru ti tanan nasakupan Huda nagdara ikasampulu nida tirigu, irinmun ubas, ag lana ulibu ati sa manga haramnuan.

Nihimyas 13:12 Iomraidhean Croise

2 Krunika 31:4

Sinugu diman niya ti manga tawu mag-uli sa Hirusalim kuntay iayaw sa manga manughandug ag manga Libita kanda kabahagi hampay makasirbi sida lubus sa Kasuguan Panginuun.

2 Krunika 31:5

Pagka naipaalam yi inda sa manga tawu, maluag nagpakaun ti manga Israilita un-an pag patubas nida tirigu, irinmun ubas, lana ulibu, daykut, ag sa iba waya pag manga patubas sa daga. Ipinakaun nida ti ikasampulu tanan nida pag pinatubas.

Nihimyas 12:44

Sa tunda diman pag sirang, nagpauli sida manga lalaki mangasikasu sa manga haramnuan tipunan manga pamakaun, manga un-an pag ani, hanggan ikasampulu. Sida ti manuglikum manga handug ginan sa manga katanmanan sa sangput manga banwa para sa manga manughandug hanggan sa manga Libita, angay sa Kasuguan. Dahil magbaya ti nasakupan Huda sa manga buruwatun manga manughandug hanggan manga Libita.

Libitiku 27:30

Ti ikasampulu pag bahagi tanan ani sa Panginuun di.

Malakyas 3:10

Kainda, subuki niyu aku, ti Panginuun Makamaskihan. Daran-a ti buu ikasampulu niyu atag sa balay haramnuan hampay may karan-unun sa kang Balay. Nu tupadun niyu inda, padaran-an niku kamu uran hanggan pakan-an niku kamu mayamu pag papalad.

Malakyas 3:8

Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Diyuturunumiyu 14:22

“Pasamanan niyu ti ikasampulu sa tanan niyu pag ani sa kanyu tanman kada timpu.