Nihimyas 13:10 - Hanunuu

¹⁰ Naalaman diman niku ti manga Libita unman yi magkapakan-an kanda pag kahuray, nakan sida hanggan ti manga manugkanta piniyaran sa buruwatun sa Balay Diyus nag-inululi yi hampay mananman.

Nihimyas 13:10 Iomraidhean Croise

2 Krunika 31:4

Sinugu diman niya ti manga tawu mag-uli sa Hirusalim kuntay iayaw sa manga manughandug ag manga Libita kanda kabahagi hampay makasirbi sida lubus sa Kasuguan Panginuun.

Nihimyas 10:37

Nagtaratu waya gid kami kuntay darahun nimi sa manga manughandug ti pinakamarinu pag kalasi nimi arina hanggan iba waya pag manga handug bilang pagkilala sa Panginuun, hampay ipauli sa haramnuan sa Balay Diyus. Darahun diman nimi ti pinakamayad nimi pag manga burak kayu, hanggan ti pinakamarinu pag irinmun intus ag lana ulibu. Darahun diman nimi sa manga Libita ti ikasampulu nimi manga patubas, dahil sida ti maglikum manga ikasampulu sa tanan banwa may manga katanmanan. Nu manlikum manga ikasampulu ti manga Libita,

Nihimyas 10:39

Ti manga Israilita, hanggan yi ti manga Libita kailangan magdara manga handug tirigu, irinmun ubas, hanggan lana ulibu sa haramnuan nu naan pag nakapauli ti manga kagamitan Balay Diyus hanggan nu naan mag-ulian ti magsirbi pag manga manughandug, ti manga guwardiya manga sabian Balay Diyus, hanggan ti manga manugkanta. Nakan nagtaratu kami balaw nimi pabay-anan ti Balay Diyus nimi Diyus.

Nihimyas 12:47

Nakan katpung sa panahun ni Surubabil hanggan ni Nihimyas, ti tanan Israilita nagpakaun kanda manga handug para sa manga manugkanta ag manga guwardiya manga sabian Balay Diyus, hanggan diman sa manga Libita. Ginan sa manga magkatanggap nida hinurayan diman manga Libita ti manga lahi ni Aarun.

Isayas 43:23

Udyi kawu maghandug karanidu sa kangku bilang handug pagsunugun. Balaw yi nimu aku pagkilalan-un sa panab-anan manga handug una balaw niku kawu pinakurianan ngatay pinabudlay sa paghagad manga handug pasalamat hanggan manga kamangyan.

Malakyas 3:8

Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Bilang 35:2

“Sabihi nimu ti manga Israilita kuntay ayawi nida ti manga Libita kanda maulianan pag manga banwa ginan sa matanggap nida pag daga. Bag-u pakan-i diman nida sida manga paraharaban sa sangput tunda pag manga banwa.

Diyuturunumiyu 12:19

Danga gid niyu pagpabay-ani ti manga Libita habang magkabuhi kamu sa kanyu daga.