Nihimyas 12:45 - Hanunuu

⁴⁵ Binwat nida ti tun-anun sa paglumpiyu ag sa iba waya pag manga buruwatun pag-ipatupad Diyus sa kanda. Binwat diman manga manugkanta hanggan manga guwardiya manga sabian Balay Diyus kanda buruwatun angay sa manga sugu ni Hari Dabid hanggan niya anak si Sulumun.

Nihimyas 12:45 Iomraidhean Croise

2 Hari 7:10

Nakan binmalik sida sa banwa Samarya ag tinawag nida ti manga guwardiya puwirtahan banwa ag sinabihan, “Nag-ati kami sa kampu manga Aramiyu ag unman gid may tawu ati, purya lang sa manga kabayu ag manga asnu mahigtan. Ag asan di ti manga kasiyunan sa manga turda.”

1 Krunika 23:28

Ti katungdanan sa manga Libita imaw ti umawat sa manga manughandug manga lahi ni Aarun sa pagsirbi sa Balay Diyus Panginuun. Sida ti mangasikasu sa manga sugkadan Balay Diyus ag sa manga sulud-sulud sa suuk, ag sida diman ti mangawat sa manga tun-anun sa paglumpiyu ag sa iba waya pag buruwatun sa Balay Diyus.

1 Krunika 26:26

Si Silumit ag kay manga katawuhan imaw ti piniyaran sa tanan haramnuan manga ihinandug ni Hari Dabid, manga takinan manga magtal-anakan, manga kumandir sa manga linibu ag manga ginatus pag manga sundalu, ag sa iba waya pag manga kumandir.

2 Krunika 23:6

Unman may sumulud sa Balay Diyus Panginuun, purya lang sa manga manughandug ag manga Libita magsirbi sa tida pag udas. Puydi sida makasaka dahil itinigana sida para sa inda pag buruwatun. Dapat ti iba kailangan ati sa luwas lang pag mamantay angay sa sugu Panginuun.