Nihimyas 12:43 - Hanunuu

⁴³ Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Nihimyas 12:43 Iomraidhean Croise

2 Krunika 20:13

Habang matindugan ati sa atubangan Panginuun ti tanan lalaki taga Huda, kaibahan kanda manga asawa kag anak, hanggan kanda manga lapsag,

2 Krunika 20:27

Pagkatapus, nagbalik sida sa Hirusalim pagpangunahan ni Husapat. Masulung sida dahil pinapanalu sida Panginuun sa kanda manga kalaban.

2 Krunika 7:10

Pagka nasurip, imaw ti ika-23 pag sirang sa ikapitu pag bulan, ipinauli ni Sulumun ti manga tawu. Nuli sida masulung gid dahil sa tanan kaayadan binwat Panginuun sa kan Dabid ag sa kan Sulumun, ag sa manga nasakupan niya Israilita.

Isra 3:13

Udyi magkaalaman ti ringgit kabayaan ag ti wawaw dahil masyadu gid matnug ti iringayan manga tawu, ag mag-adnugan di inda ginan sa arayu.

Nihimyas 12:27

Katpung panahun pagtalaga alad batu Hirusalim, ipinatawag ti manga Libita ginan sa kanda pag-ulian. Ipinaatag sida sa Hirusalim hampay makapakiusa sa masulung pag buruwatun sa pagtalaga Balay Diyus sa panab-anan pagkanta manga kanta pasalamat hanggan pagpatunug manga simbals, alpa ag lira.

Nihimyas 12:42

ag ti manga manugkanta sida ni Maasiyas, ni Simaya, ni Iliyasar, ni Usi, ni Hihuhanan, ni Malkiyas, ni Ilam, ag ni Isir. Sida ti manga manugkanta pagpangunahan ni Hisrahiya.

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Kanta 27:6

Nakan magpanalu aku laban sa manga kalaban niku masangputan sa kangku, ag manhandug aku sa Balay Diyus may huyaw sa kabayaan. Manganta aku sa Panginuun!

Kanta 28:7

Kawu ti magpakaun sa kangku kabisugan ag mag-alaga sa kangku ga panangga. Magsarig aku sa kanmu ag pag-awatan nimu aku. Nakan makabaya gid aku ag manganta pasalamat sa kanmu.

Kanta 9:2

Kaabwat-abwatan pag Diyus, makabaya gid aku ag manganta manga pagdayaw dahil sa kanmu.

Kanta 92:4

Dahil pinasulung nimu aku, Panginuun, sa panab-anan nimu makadululaw pag manga buwat. Dahil sa kanmu manga binwat magkanta aku sa kabayaan.

Hirimyas 31:13

Nu katida, kanda manga daraga hanggan manga kan-akan ag manga gurangun manayaw sa kabayaan. Ilisan niku kabayaan kanda maglulumian. Sa halip manrukuan sida, pakan-an ngap niku sida kasulungan.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Bilang 10:10

Sa udas magsaya niyu — sa kanyu pag-alaala sa kapistahan, hanggan sa Pista Lapus Lati — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”

Matiyu 21:15

Dapat nagalit ti manga pangulu manughandug hanggan ti manga manugtudlu Kasuguan dahil nakitan nida kay manga binwat makadululaw ag dahil nadnugan nida ti manga anak sa Balay Diyus nanarawagan magkun, “Dayawun ti linahi ni Dabid!”

Matiyu 21:9

Kayamuan manga tawu ti nagkuyug sa kanya, ti iba mag-una, ti iba magdasun. Nanarawagan sida magkun, “Dayawun ti linahi ni Dabid. Dayawun ti magsitay sa ngaran Panginuun. Dayawun siya una ati sa langit.”

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Ipisu 5:19

Pagmirinsanan kamu pagkarantahan Bagaw Diyus, manga magdayaw sa Diyus hanggan manga kanta angay sa kay udyuk Ispiritu. Pagkanta kamu ginan sa kanyu buu tagipusuun, pagdayaw kamu sa Panginuun.

Santiyagu 5:13

May tiriisun aw una si unu sa kanyu? Pagdarangin siya. May magbaya aw? Pagkanta siya pagdayaw sa Diyus.

1 Samwil 4:5

Pagras-ug Kaban Kasunduan Panginuun ati sa kampu, rinminggit mabaskug ti manga Israilita dahil sa kabayaan ag natandug ti daga.