Nihimyas 12:30 - Hanunuu

³⁰ Nagbuwat tun-anun sa paglumpiyu ti manga manughandug hanggan ti manga Libita hampay malumpiyu sida, ag katunda diman kanda binwat para sa manga tawu, sa manga puwirtahan banwa hanggan sa alad batu.

Nihimyas 12:30 Iomraidhean Croise

Gimpuunan 35:2

Nakan magkun si Hakub sa kay magtal-anakan hanggan sa tanan kaibahan niya, “Yamtan yi niyu kanyu manga diyus-diyusan. Lumpiyuha kanyu sadili ag ilisi kanyu manga rutay bilang tanda bag-u ag malumpiyu pag buhi.

1 Krunika 15:14

Nakan naglumpiyu ti manga manughandug ag ti manga Libita hampay madara nida ti Kaban Panginuun, ti Diyus Israil.

2 Krunika 29:34

Dapat pira-pira lang ti manga manughandug mag-iyaw inda pag manga hayup. Nakan nangawat sa kanda ti katawuhan nida pag manga Libita tugka sa natapus tida pag buruwatun ag tugka sa nagyamu ti manga manughandug naglumpiyu kanda sadili. Dahil mas matinupadun waya ti manga Libita sa paglumpiyu kanda sadili kaysa manga manughandug.

2 Krunika 29:5

Magkun siya sa kanda, “Patingihi niyu aku, kamu pag manga lahi ni Libi. Lumpiyuha kanyu sadili taynguna, ag lumpiyuha diman niyu ti Balay Diyus Panginuun, ti Diyus niyu manga ginurang. Bul-a niyu sa Balay Diyus ti tanan mayagting pag bagay.

Isra 6:21

Inda pag manga handug kinaun manga Israilita nagbalik ginan sa pagkabihag hanggan diman ti iba pag manga tawu mag-uli ati nagpatlikud yi sa manga buruwatun manga tawu unman magkilala sa Diyus. Nagpatlikud sida sa tunda pag manga bagay hampay sambahun ti Panginuun, ti Diyus Israil.

Nihimyas 12:29

May manga ginan sa banwa Bit Gilgal, hanggan sa rugar Giba ag Asmabit. Dahil ti manga manugkanta nagpatindug kanda sadili manga baryu sa sangput Hirusalim.

Nihimyas 13:22

Bag-u sinugu niku ti manga Libita kuntay pagmalumpiyu sida ag pagbantay sa manga sabian hampay kilalan-un manga tawu banal ti Sirang Pamahari. Bag-u nandarangin aku, “Diyus niku, alalahana duy nimu inda kang manga pagbuwatun, ag kaawai nimu aku angay sa kadayawan nimu pagmahal.”

Nihimyas 13:30

Nakan siniguradu niku ti nasakupan Israil ribri yi sa una hintay pag palakaw manga day-uhan. Ag pinakan-an niku buruwatun ti manga manughandug hanggan ti manga Libita angay sa kada buruwatun nida.

Hub 1:5

Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.

Pag-ighit 19:10

magkun waya ti Panginuun sa kanya, “Atiha nimu ti manga tawu ag sabiha sa kanda lumpiyuha kanda sadili taynguna hanggan aldaw. Kailangan pipian nida kanda manga rutay.

Pag-ighit 19:15

Magkun si Muysis sa kanda, “Ialistu niyu kanyu manga sadili sa ikatlu pag sirang; danga dapu kamu mag-ulid sa kanyu asawa.”

Hibriyu 5:1

Ti kada pangulu manughandug sa Balay Diyus pinili ginan sa manga tawu hampay sumirbi sa Diyus para sa kanda. Siya tig handug manga kaluub sa Diyus ag manga hayup pagmatyun panlukat sa kasalanan.

Hibriyu 5:3

Nakan kailangan siya maghandug sa Diyus manga hayup minatay dahil sa manga kasalanan balaw lang tungkul sa manga iba tawu nu unman hanggan tungkul diman sa kay sadili bilug.