Nihimyas 12:27 - Hanunuu

²⁷ Katpung panahun pagtalaga alad batu Hirusalim, ipinatawag ti manga Libita ginan sa kanda pag-ulian. Ipinaatag sida sa Hirusalim hampay makapakiusa sa masulung pag buruwatun sa pagtalaga Balay Diyus sa panab-anan pagkanta manga kanta pasalamat hanggan pagpatunug manga simbals, alpa ag lira.

Nihimyas 12:27 Iomraidhean Croise

2 Samwil 6:12

Taynguna, naalaman ni Hari Dabid pinapaladan Panginuun ti magtal-anakan ni Ubid Idum hanggan ti tanan magkaapu niya dahil sa Kaban Diyus. Nakan nag-ati si Dabid sa balay ni Ubid Idum ag bin-ul ti Kaban Diyus dinara sa kay banwa may kabayaan.

1 Hari 8:63

Naghandug sida manga handug para sa mayad pag pakiusa. Kay kayamuun inda 22,000 baka ag 120,000 karanidu hanggan kambing. Sa katunda pag paraan, itinalaga hari hanggan manga Israilita ti Balay Diyus Panginuun.

1 Krunika 13:8

Nagdaus si Dabid hanggan ti tanan Israilita sa atubangan Diyus sa buu nida kabisugan. Magkanta sida ag magpatunug manga alpa, lira, pamakaransing, simbals, ag turumpita.

1 Krunika 15:12

Magkun siya sa kanda, “Kamu ti manga takinan manga magtal-anakan manga lahi ni Libi. Pagmalumpiyu kamu ag ti kanyu kaparihu manga lahi ni Libi, hampay madara niyu ti Kaban Panginuun, ti Diyus Israil, sa rugar iinalistu niku para sa inda.

1 Krunika 15:16

Sinugu ni Dabid ti manga takinan manga Libita hampay pumili manga manugkanta ginan sa kanda kaparihu manga Libita, sa pagkanta manga masulung pag manga karantahun pag kaskasan manga lira, alpa, ag manga simbals.

1 Krunika 15:28

Nakan dinara tanan Israilita ti Kaban Kasunduan Panginuun may huruyawan, pagpatunug sa manga turumpita, manga budyung ag manga simbals, ag pagpatnug sa manga lira ag manga alpa.

1 Krunika 15:4

Ipinatawag diman niya ti manga lahi ni Aarun, imaw ti manga manughandug ag manga Libita, kainda kay kayamu sida:

1 Krunika 16:42

Katungkulan ni Himan ag ni Hidutun ti pagpatunug manga turumpita, manga simbals ag iba waya pag manga pamatunug paggamitun sa pagkanta manga karantahun para sa Panginuun. Ti manga anak ni Hidutun imaw ti piniyaran sa pagbantay sabian.

1 Krunika 16:5

Si Asap imaw ti magpanguna sa kanda ag siya ti manugpatunug sa manga simbals. Ti dumasun sa kanya imaw si Sakaryas, bag-u si Yiil, Simiramut, Hiyil, Matitiya, Ilyab, Binaya, Ubid Idum, ag Yiil. Sida ti manga manugpatunug sa manga lira ag manga alpa.

1 Krunika 23:5

ti 4,000 magsirbi bilang manga guwardiya sa manga sabian sa Balay Diyus, ag ti 4,000 waya gid magdayaw sa Panginuun sa panab-anan manga instrumintu ipinabwat niku para sa inda pag buruwatun.”

1 Krunika 26:31

Si Hirya ti takinan manga linahi ni Hibrun angay sa listahan sa kanda manga magtal-anakan. (Pagka ika-40 pag timpu kay maghari ni Dabid, inusisa ti manga listahan, ag naalaman may manga linahi si Hibrun sa Hasir sakup Gilyad, ag inda sida may manga kakayahan.)

2 Krunika 29:25

Pagkatapus, nagtigana si Isikyas manga Libita sa Balay Diyus Panginuun may manga simbals, manga alpa, ag manga lira. Inda angay sa sugu Panginuun sa kan Hari Dabid sa panab-anan ni Gad kay purupita ni Dabid ag kan Purupita Natan.

2 Krunika 29:30

Nagsugu si Hari Isikyas hanggan kay manga may kangaranan sa manga Libita hampay dayawun ti Panginuun sa panab-anan manga kanta binwat ni Hari Dabid ag ni purupita Asap. Nakan nanganta sida manga kanta pagdayaw may kabayaan habang mayungduan sida sa pagsamba sa Diyus.

2 Krunika 5:13

Ti manga manugkanta magdayaw ag magpasalamat sa Panginuun pagpatunugan manga turumpita, pumpiyang, ag iba waya pag manga kagamitan. Kaindaay kanda pagkantahun: “Mayad ti Panginuun; kay pagmahal balaw may katapusan.” Pagkatapus, may rurum sinmaput sa Balay Diyus Panginuun.

2 Krunika 7:6

Nag-alistu ti manga manughandug sa Balay Diyus, ag katida diman ti manga Libita magkanta, “Kay pagmahal niya unman may katapusan.” Pagdunganan nida tunug ti kanta ginamit ti manga pamatunug ipinabwat ni Hari Dabid sa pagdayaw sa Panginuun. Sa atubangan manga Libita, ti manga manughandug magpatunug diman kanda manga budyung habang matindugan ti tanan manga taga Israil.

Isra 6:16

May kabayaan naghandaan sa pagtalaga Balay Diyus ti nasakupan Israil — ti manga manughandug, ti manga Libita, ag ti iba waya nakabalik ginan sa pagkabihag.

Nihimyas 11:20

Kay iba pag manga Israilita, hanggan manga manughandug ag manga Libita, nangulian sa manga daga minana nida sa kanda manga ginurang sa tuhay-tuhay pag manga banwa sa Huda.

Nihimyas 12:43

Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Nihimyas 8:17

Tanan sida ti nakabalik ginan sa pagkabihag namuwat manga payag ag ati pag nuli. Unman waya nida nabuwat ti kainda katpung umpisa panahun ni Huswi kay anak ni Nun; subra gid kanda kabayaan.

Kanta 149:3

Pagdayaw sida sa kanya may sayaw; ag pagpatunug sida pamakaransing hanggan alpa sa pagdayaw sa kanya.

Kanta 30:1

Pagdayawun niku kawu, Panginuun, dahil irinibri nimu aku sa kadautan. Balaw nimu pinahintulutan alukayuhun aku niku manga kalaban sa kang kahamtangan.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.

Diyuturunumiyu 20:5

“Bag-u sumabi ti manga takinan sa manga sundalu, ‘Nu may imaw sa kanyu bag-u lang nakapatindug kay balay ag unman waya niya inda naidarangin sa Panginuun, pag-uli siya barang mamatay siya sa girahan ag iba pag tawu ti pumadarangin sa kay balay.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

Ipinakakit 5:8

Pagka kay bin-ul, napadapa sa atubangan Anak Karanidu ti upat ka linalang may buhi hanggan ti duwapulu may upat ka gurangun. Ayaw-ayaw sida may bitbit alpa ag may pinggan gintu malukung punu kamangyan, imaw ti manga darangin manga tawu napasakup sa Diyus.