Nihimyas 11:21 - Hanunuu

²¹ Dapat ti manga suruguun sa Balay Diyus pagpangunahan nida ni Siha ni Gispa ati pag nangulian sa tagudtud Upil.

Nihimyas 11:21 Iomraidhean Croise

1 Krunika 9:2

Inda ti un-an nakabalik sa kanda manga banwa sa kanda sadili pag daga ti tinubu pag manga Israilita, manga manughandug, manga Libita, ag manga suruguun sa Balay Diyus.

2 Krunika 27:3

Si Hutam ti nagpatindug sa Kanaway pag Sabian Balay Diyus Panginuun, ag mayamu kay ipinahiwat sa alad batu sa kabantudan Upil.

Isra 2:43

Inda ti manga linahi manga suruguun sa Balay Diyus ti binmalik diman ginan sa pagkabihag: Manga linahi nida ni Siha, ni Hasupa, ni Tabaut, ni Kirus, ni Siyaha, ni Padun, ni Libana, ni Hagaba, ni Akub, ni Hagab, ni Salmay, ni Hanan, ni Gidil, ni Gahar, ni Riayas, ni Risin, ni Nikuda, ni Gasam, ni Usa, ni Pasiya, ni Bisay, ni Asna, ni Miyunim, ni Nipusim, ni Bakbuk, ni Hakupa, ni Harhur, ni Baslut, ni Mihida, ni Harsa, ni Barkus, ni Sisara, ni Tima, ni Nisyas, ag ni Hatipa.

Nihimyas 3:26

hanggan ti manga suruguun sa Balay Diyus mag-uli sa may tagudtud Upil. Ipinatindug nida ti bahagi alad batu tag sa butlakan baliwa, tugka sa Sabian Atabug sa Danum ag sa maglangbaw pag bantayaw.

Nihimyas 3:31

Kay dasun maan gid si Malkiyas usa ka panday pilak. Ipinatindug niya ti bahagi alad batu tugka sa ulian manga suruguun sa Balay Diyus hanggan sa manga manugnigusyu, maatubangan sa Sabian Tiripnan, bag-u tugka sa sulud-sulud sa suuk sa tungud alad batu.