Nihimyas 10:39 - Hanunuu

³⁹ Ti manga Israilita, hanggan yi ti manga Libita kailangan magdara manga handug tirigu, irinmun ubas, hanggan lana ulibu sa haramnuan nu naan pag nakapauli ti manga kagamitan Balay Diyus hanggan nu naan mag-ulian ti magsirbi pag manga manughandug, ti manga guwardiya manga sabian Balay Diyus, hanggan ti manga manugkanta. Nakan nagtaratu kami balaw nimi pabay-anan ti Balay Diyus nimi Diyus.

Nihimyas 10:39 Iomraidhean Croise

2 Hari 7:10

Nakan binmalik sida sa banwa Samarya ag tinawag nida ti manga guwardiya puwirtahan banwa ag sinabihan, “Nag-ati kami sa kampu manga Aramiyu ag unman gid may tawu ati, purya lang sa manga kabayu ag manga asnu mahigtan. Ag asan di ti manga kasiyunan sa manga turda.”

2 Krunika 31:11

Nagsugu si Isikyas kuntay pagbuwat manga haramnuan sa Balay Diyus Panginuun, ag nangyari ngani inda.

2 Krunika 31:12

Ag matinupadun dinara ati manga tawu kanda manga handug, manga ikasampu, ag ti manga bagay itinigana nida sa Panginuun. Si Kunaniyas usa ka Libita imaw ti piniyaran sa inda pag manga bagay, ag kay kaawat niya kay patar-ari lalaki si Simiy.

Nihimyas 12:47

Nakan katpung sa panahun ni Surubabil hanggan ni Nihimyas, ti tanan Israilita nagpakaun kanda manga handug para sa manga manugkanta ag manga guwardiya manga sabian Balay Diyus, hanggan diman sa manga Libita. Ginan sa manga magkatanggap nida hinurayan diman manga Libita ti manga lahi ni Aarun.

Kanta 122:9

Hampay sa ikamayad Balay Diyus Panginuun kanta Diyus, magdarangin aku hampay umabunda ti Hirusalim.

Bilang 18:26

kuntay sabiha niya inda sa manga Libita: “Nu matanggap yi niyu ginan sa manga Israilita ti ikasampulu kang iayaw sa kanyu bilang huray niyu, kailangan pag ayaw diman kamu kanyu ikasampulu ginan sa tunda pag ikasampulu bilang handug sa kangku.

Bilang 18:30

Nu maihandug yi niyu inda, kilalan-un niku inda handug niyu ginan sa girik-an ngatay pirigsan ubas.

Diyuturunumiyu 12:17

Kailangan danga diman niyu pagkan-a sa kanyu manga banwa inda pag manga magkasunud-sunud: ti ikasampulu niyu ani, ti irinmun ubas ag lana ulibu, ti anak panganay niyu manga hayup, una hintay ti itinaratu ihandug hanggan manga pamakaun, hanggan ti buluntad niyu pag manga handug.

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.