Nihimyas 10:32 - Hanunuu

³² Nagtaratu waya gid kami kuntay tupadun nimi ti sugu pumakaun kami kada timpu upat ka guhit pilak para sa buruwatun sa Balay Diyus nimi Diyus.

Nihimyas 10:32 Iomraidhean Croise

Gimpuunan 28:22

Inda duy pag batu kang ipinatindug bilang usa ka alaala pumatutuu kanmu kadayawan atay sa inda pag rugar. Ag ipakaun niku sa kanmu kang ikasampu pag bahagi sa tanan nimu ipakaun sa kangku.”

1 Krunika 26:27

Isinagda nida ti iba pag nab-ul nida sa girahan hampay gamitun sa Balay Diyus Panginuun.

Nihimyas 13:15

Sa tunda pag udas, may nakitan aku manga taga Huda magpuga ubas sa Sirang Pamahari. Ti iba sa kanda magkarga manga tirigu, intus, ubas, igus, ag iba waya pag manga bagay sa kanda manga asnu hampay daran-un sa Hirusalim. Nakan binagawan niku sida danga magpabili kanda manga kalakal sa Sirang Pamahari.

Nihimyas 13:18

Unman aw kainda diman ti binwat niyu manga ginurang, nakan kita hanggan inda pag banwa pinarusahan nita Diyus? Taynguna, paggalitun waya gid niyu lubus ti Diyus sa kanyu pagbuwatun, dahil unman niyu pagkilalan-un banal ti Sirang Pamahari.”

Nihimyas 13:21

Dapat pinasandaman niku sida. Magkun aku, “Hayga sitay kamu pag magkaturug sa may alad batu banwa? Nu ulitun waya niyu inda, parusahan niku kamu!” Nakan tunda di ginan balaw yi sida binmalik sa Sirang Pamahari.

Nihimyas 5:10

Aku ngapu hanggan kang manga katawuhan, ag manga tawuhan nagpaudam kuwarta hanggan tirigu sa kanta manga kasimanwa. Dapat danga yi nita sida pagpatubui sa kanda manga utang!

Nihimyas 9:14

Itinudlu nimu sa kanda ti kailangan buwatun tungkul sa Sirang Pamahari. Ag sinugu nimu sida sa panab-anan nimu manugsirbi sa kan Muysis, kuntay tupada kanmu manga sugu, manga surundanun, hanggan manga pag-itudlu.

Pag-ighit 23:11

Dapat sa ikapitu pag timpu, danga niyu inda pagtanumi. Nu may tumubu pananum sa kanyu daga, pabay-ani niyu ti manga pugri ti makab-ul manga karan-unun ginan sa manga tanum, nu may masawad, ipakaun yi lang niyu sa simarun hayup. Katunda diman ti buwatun niyu sa manga taranuman ubas hanggan taranuman ulibu.

Kabagawan 3:9

Dayawa ti Panginuun sa panab-anan pagsagda kanmu manga kasiyunan sa kanya, hanggan pagsagda un-an pag bahagi sa tanan nimu ani.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.