Nihimyas 10:31 - Hanunuu

³¹ Nagtaratu diman kami kuntay balaw kami mamili nu ipabili manga day-uhan kanda tirigu ngatay una hintay pag manga pag-ipabili sa Sirang Pamahari ngatay sa iba banal pag sirang. Ag kada ikapitu pag timpu, balaw kami mananum sa kanmi daga, bag-u balaw yi nimi suktun ti manga nakautang sa kanmi.

Nihimyas 10:31 Iomraidhean Croise

2 Krunika 36:21

Nakan natupad ti sinabi Panginuun sa panab-anan ni Purupita Hirimyas bumaliw mapung-aw ti daga ag makapahari inda sa sulud pitumpulu ka timpu.

Nihimyas 13:23

Pagka tida diman pag manga panahun, nakitan niku may manga taga Huda nakaasawa manga babayi taga Asdud, taga Amun, ag taga Muab.

Nihimyas 13:27

Ta, pabay-anan yi lang aw lugud nimi inda pag kadautan kanyu binuwat balaw matinupadun sa kanta Diyus sa panab-anan mag-asawa sa manga day-uhan?”

Pag-ighit 12:16

Sa un-an ag sa ikapitu pag sirang, pagtiripun kamu hampay sumamba sa kangku. Danga kamu magtarabahu sa tida pag manga sirang, purya lang sa mag-alistu kanyu karan-unun, inda lang ti mahimu niyu buwatun.

Pag-ighit 20:10

dapat sa ikapitu pag sirang, ti Sirang Pamahari ialistu niyu para sa kangku, ti Panginuun niyu Diyus. Danga kamu magtarabahu sa tida pag sirang, hanggan kanyu manga anak, manga suruguun, manga hayup, ngatay ti manga day-uhan magpangulian kaibahan niyu.

Pag-ighit 34:16

Barang maasawa niyu manga anak kanda manga anak, imaw ti gumarya sa kanyu manga anak hampay mansamba sa tuhay pag manga diyus.

Isayas 58:6

Ti makapasulung sa kangku pag unman maghandum karan-unun tunda may kaibahan mayad pag ugali. Apasi niyu ti pagbuwat kadautan, ugalia niyu ti katadlungan, pakan-i kaariwayahan ti manga pag-api-apihun ag awati ti manga paglugihun.

Libitiku 16:29

Tunda ngani ti dapat buwatun manga taga Israil hanggan manga day-uhan mag-ulian kaibahan nida, tupadun nida inda hanggan waya aban. Sa ikasampulu pag sirang sa ikapitu pag bulan kailangan unman sida manhandum karan-unun ag danga diman magtarabahu, parihu sa Sirang Pamahari. Dahil sa tunda pag sirang buwatun nida ti tun-anun sa paglukat sa kanda ginan sa kanda manga kasalanan hampay malumpiyu sida sa atubangan Panginuun.

Libitiku 23:21

Sa tunda diman pag sirang danga kamu magtarabahu bagkus pagtiripun kamu hampay mansamba sa Panginuun. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 23:3

May unum kamu ka sirang sa pagtarabahu, dapat sa ikapitu pag sirang pagpahari kamu dahil imaw tunda ti Sirang Pamahari. Danga kamu magtarabahu sa inda pag sirang bagkus pagtiripun kamu hampay mansamba, dahil sa tunda pag sirang dayawun niyu ti Panginuun.

Matiyu 6:12

Patawada nimu kanmi manga kasalanan, parihu sa kanmi magpatawad sa manga nagkasala sa kanmi.

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.