Nihimyas 10:30 - Hanunuu

³⁰ Nagtaratu kami balaw nimi pahintulutan makaasawa kanmi manga anak sa manga day-uhan mag-uli sa kanmi daga.

Nihimyas 10:30 Iomraidhean Croise

2 Hari 23:25

Unman waya gid may hari parihu sa kan Husyas nagsunud sa Panginuun sa buu niya tagipusuun, sa buu niya karadwa, ag sa buu niya kabisugan. Sinunud gid niya ti tanan pag Kasuguan ni Muysis. Ag unman yi may pumarihu sa kanya sa dumasun pag manga hari.

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

2 Krunika 34:31

Pagkatapus, tinmindug si Husyas sa saruy tulduk pirmi pag tindugan hari. Ag nagbuwat siya kasunduan sa nabubut-un Panginuun kuntay sumunud siya sa Panginuun sa panab-anan pagtupad sa kay manga sugu, itinudlu, ag surundanun may buu tagipusuun ag karadwa. Nanaratu siya tupadun niya ti manga pag-ipatupad kasunduan Diyus nakasurat sa ribru.

Nihimyas 10:1

Ti un-an nagpirma si Gubirnadur Nihimyas kay anak ni Hakalyas, ag si Sidikyas.

Nihimyas 13:23

Pagka tida diman pag manga panahun, nakitan niku may manga taga Huda nakaasawa manga babayi taga Asdud, taga Amun, ag taga Muab.

Nihimyas 13:25

Nakan sinungyaw niku ag sinaadan ti manga taga Huda. Binakul niku ti iba sa kanda ag linanit kanda manga buhuk. Ipinasumpa niku sida hanggan kanda manga anak sa ngaran Diyus kuntay balaw yi sida mangasawa sa manga day-uhan.

Nihimyas 13:30

Nakan siniguradu niku ti nasakupan Israil ribri yi sa una hintay pag palakaw manga day-uhan. Ag pinakan-an niku buruwatun ti manga manughandug hanggan ti manga Libita angay sa kada buruwatun nida.

Nihimyas 5:12

Sinmagut sida, “Ibalik nimi tunda tanan sa kanda. Balaw yi nimi sida suktun. Buwatun nimi kanmu pagsabihun.” Bag-u ipinatawag niku ti manga manughandug ag ipinasumpa sa kanda atubangan ti manga takinan hanggan manga may kangaranan kuntay tupadun nida kanda itinaratu.

Kanta 119:106

Tupadun gid niku kang itinaratu sumunud sa kanmu matadlung pag manga sugu.

Pag-ighit 34:16

Barang maasawa niyu manga anak kanda manga anak, imaw ti gumarya sa kanyu manga anak hampay mansamba sa tuhay pag manga diyus.

Diyuturunumiyu 29:11

kanyu manga asawa ag manga anak, hanggan ti manga day-uhan mag-uli kaibahan niyu ti manugkayu ag ti manugtaas danum niyu.

Diyuturunumiyu 7:3

Danga kamu mag-asawa sa kanda, ag danga diman niyu pag pasnui kanyu manga anak mag-asawa sa kanda manga anak,