Nihimyas 10:29 - Hanunuu

²⁹ nagsumpa kaibahan nimi manga takinan, kuntay kanmi tupadun ti Kasuguan ipinakaun Diyus sa panab-anan niya manugsirbi si Muysis. Nagsumpa diman kami tanggapun nimi ti saad Diyus nu balaw nimi matupad kanmi itinaratu kuntay sundun ti tanan sugu hanggan manga surundanun Panginuun nimi Diyus.

Nihimyas 10:29 Iomraidhean Croise

2 Hari 10:31

Dapat unman nagtupad si Hihu sa kasuguan Panginuun, ti Diyus Israil, sa buu niya tagipusuun. Ag kay sinunud ti manga kasalanan ni Hirubuam, imaw ti pinun-an kasalanan manga taga Israil.

2 Hari 23:3

Bag-u nagtindug si Husyas sa saruy tulduk pirmi pagtindugan hari. Ag nagbuwat siya kasunduan sa atubangan Panginuun kuntay sumunud siya sa Panginuun sa panab-anan pagtupad sa kay manga sugu, hanggan tudlu, ag surundanun sa buu niya tagipusuun ag karadwa. Sa kainda pag paraan matupad ti manga pag-isugu sa kasunduan Diyus nakasurat sa inda pag ribru. Ag nangaku diman ti manga tawu tumupad sa kasunduan Diyus.

1 Krunika 9:2

Inda ti un-an nakabalik sa kanda manga banwa sa kanda sadili pag daga ti tinubu pag manga Israilita, manga manughandug, manga Libita, ag manga suruguun sa Balay Diyus.

2 Krunika 34:31

Pagkatapus, tinmindug si Husyas sa saruy tulduk pirmi pag tindugan hari. Ag nagbuwat siya kasunduan sa nabubut-un Panginuun kuntay sumunud siya sa Panginuun sa panab-anan pagtupad sa kay manga sugu, itinudlu, ag surundanun may buu tagipusuun ag karadwa. Nanaratu siya tupadun niya ti manga pag-ipatupad kasunduan Diyus nakasurat sa ribru.

2 Krunika 6:16

Ag taynguna, Panginuun, Diyus Israil, tupada diman nimu ti usa waya ka itinaratu nimu sa kanmu manugsirbi sa kan Dabid kang ama magkun kawu sa kanya, ‘Pirmi sa linahi nimu ginan ti humari sa Israil nu sundun mayad nimu manga linahi kang Kasuguan, parihu sa kanmu binwat.’

Nihimyas 13:25

Nakan sinungyaw niku ag sinaadan ti manga taga Huda. Binakul niku ti iba sa kanda ag linanit kanda manga buhuk. Ipinasumpa niku sida hanggan kanda manga anak sa ngaran Diyus kuntay balaw yi sida mangasawa sa manga day-uhan.

Nihimyas 7:46

Inda ti manga sinulput manga suruguun sa Balay Diyus nakabalik diman ginan sa pagkabihag: Manga sinulput ni Siha, Hasupa, Tabaut, Kirus, Sia, Padun, Libana, Hagaba, Salmay, Hanan, Gidil, Gahar, Riayas, Risin, Nikuda, Gasam, Usa, Pasya, Bisay, Miyunim, Nipusisim, Bakbuk, Hakupa, Harur, Baslit, Mihida, Harsa, Barkus, Sisara, Tima, Nisyas ag Hatipa.

Nihimyas 8:2

Nakan pagka sa tunda pag sirang, ti un-an pag sirang sa ikapitu pag bulan, dinara ni Manug-asiwa Isra ti Kasuguan sa atubangan manga tawu — manga lalaki, manga babayi, hanggan manga kalay-awan mag-intindi yi. Binasa niya inda sa kanda mabisug ginan sa magbutlak init tugka sa karaw-an sirang, ati sa buruybuyahan sa atubangan Sabian Atabug sa Danum. Pinatingihan gid kaayad tanan ti Ribru Kasuguan.

Nihimyas 9:2

Balaw nida ipinaminsan ti manga balaw Israilita. Nagtindug sida ag itinultul kanda manga kasalanan hanggan ti manga kasalanan nida manga ginurang.

Nihimyas 9:38

“Dahil siyun, kami pag manga Hudiyu nagbuwat usa ka marig-un pag kasunduan. Isinurat inda ag pinirmahan nimi manga takinan, manga manughandug, hanggan manga Libita.”

Kanta 105:45

Binwat inda Diyus hampay tupadun nida kay manga surundanun ag kasuguan. Dayawa ti Panginuun.

Kanta 119:106

Tupadun gid niku kang itinaratu sumunud sa kanmu matadlung pag manga sugu.

Kanta 8:1

Panginuun, kanmi amu, kanmu kadayawan makitan sa buu kalibutan! Ipinakakit nimu kanmu kadayawan hanggan sa kalangitan.

Kanta 8:9

Panginuun, kanmi amu, kanmu kadayawan makitan sa buu kalibutan!

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Hirimyas 26:4

Sabihun nimu sa kanda inda kang pagsabihun: Nu dayu kamu magpatingi sa kangku ag dayu magsunud sa kang ipinakaun pag sugu sa kanyu,

Hirimyas 34:15

Katpung sa nakalawuy pag manga sirang, nag-ampu kamu ag binuwat niyu ti matadlung sa kang magbantay. Nagpasnu kamu tanan kuntay palpasan kanyu manga kasimanwa kanyu binuwat panawuhun. Nagbuwat waya ngani kamu kasunduan sa kangku tungkul siyun ati gid ngap sa Balay Diyus nu naan niyu pagdayawun kang ngaran.

Isikil 36:27

Pakan-an diman kamu niku Ispiritu hampay masunud niyu maayus kang manga sugu hanggan surundanun.

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Malakyas 4:4

“Tupada niyu ti ipinakaun pag Kasuguan niku suruguun ni Muysis. Inda pag manga sugu ag manga turupadun ipinakaun niku sa kanya ati sa Bantud Sinai hampay ipatupad sa tanan nasakupan Israil.

Bilang 5:21

magsumpa aku bumaliw halimbawa sa manga tawu ti saad Diyus sa kanmu, ag balaw yi kawu magkaanak.

Huwan 1:17

Ti Kasuguan ipinadakit ni Muysis sa kanta. Dapat ginan sa kan Hisu-Kiristu pag naalaman nita ti mayad nabubut-un Diyus hanggan ti katutuuhanan tungkul sa kanya.

Huwan 15:14

Nu kanyu tupadun kang pag-ibilin sa kanyu, kamu kang yi pagmayadun pag manga tawu.

Huwan 7:19

Sinabi ni Hisus magkun, “Unman aw ipinakaun ni Muysis sa kanyu ti Kasuguan? Dapat sa kanyu tanan unman may magtupad sa Kasuguan una di usa. Hayga aku kanyu pagkaibgan matyun?”

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 17:34

May manga napaminsan sa kan Pablu, manga nagsarig sa Diyus. Nadara yi sa bilang si Diyunisyu, usa ka kunsihal sa Ariyupagu. May usa waydi ka babayi kay ngaran si Damaris ag may manga iba waya.

Binwat 23:21

Dapat danga kawu magpasnu sa kanda, dahil subra upatpulu ka tawu tigpuut sa dalan. Nagtaratu gid sida sa Diyus dayu kunu sida mangaun manginum hanggan sa ud malibun nida si Pablu. Una kainda handa yi sida mag-alagad sida sa kanmu sagut.”

Ruma 12:9

Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Diyuturunumiyu 33:4

Ipinakaun ni Muysis sa kanta sa kay manga linahi ni Hakub ti kasuguan bilang mana.

Diyuturunumiyu 5:1

Tinipun ni Muysis ti tanan Israilita ag magkun siya sa kanda, “Manga Israilita, pakidnugi niyu ti ipakaun niku sa kanyu pag manga sugu hanggan surundanun kainda pag sirang. Adalan niyu inda kaayad ag sunda gid.

Diyuturunumiyu 5:32

“Nakan sunda gid niyu kaayad ti pag-isugu Panginuun niyu Diyus sa kanyu. Danga niyu paglabaga una di usa sa kay manga sugu.