Nihimyas 1:9 - Hanunuu

⁹ Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Nihimyas 1:9 Iomraidhean Croise

1 Hari 8:48

patingihi kanda darangin. Nu bumalik sida buu tagipusuun ag naisipan sa kanmu ati sa rugar nida manga kalaban ti nagbihag sa kanda, ag mandarangin sida sa kanmu maatubangan sa inda pag daga ipinakaun nimu sa kanda manga ginurang, sa inda pag banwa nimu pinili, ag sa Balay Diyus niku ipinatindug para sa kanmu kadayawan,

1 Hari 9:3

Magkun ti Panginuun sa kanya, “Nasaydan niku kanmu darangin hanggan paghagadun sa kangku. Inda pag Balay Diyus kanmu ipinatindug pinili niku bilang rugar nu naan pag dayawun aku hanggan aban. Bantayan niku inda ag pirmi alagaan.

1 Krunika 16:35

Pagdarangin kamu, “Ribrihan kami, Diyus kanmi Manugribri; bawia kami sa manga nasyun ag tipuna maan kami sa kanmi daga, hampay makapasalamat kami ag makadayaw sa kanmu kabanalan.

Isra 6:12

Mana ti Diyus ti nagpili sa Hirusalim bilang rugar nu naan siya pag dayawun, imaw ti pumarusa sa una si unu pag hari ngatay nasyun ti lumabag sa inda pag sugu ag mandaut sa inda pag Balay Diyus Hirusalim. “Aku, si Daryu, ti may sugu inda. Kailangan gid sundun inda.”

Kanta 106:47

Ribrihan kami, Panginuun nimi Diyus, ag tipuna maan kami sa kanmi daga ginan sa manga nasyun, hampay makapasalamat kami ag makadayaw sa kanmu banal pag ngaran.

Kanta 107:3

Nakan tinipun niya kamu ginan sa manga daga sa butlakan, isalpan, salatan, ag kanaway.

Kanta 147:2

Pag-ipatindug maan Panginuun ti Hirusalim; ag pagtipunun maan niya ti nabihag pag manga taga Israil.

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Hirimyas 12:15

Dapat aban sa uryan, kaawaan di maan niku tunda pag manga nasyun bag-u ibalik di niku sida sa sadili nida ulian.

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 6:22

Inda waya ti pagsabihun Panginuun, “Bantayi niyu, may manga sundalu magras-ug ginan sa kanaway pag daga, usa ka makapangyarihan pag nasyun ginan waya sa arayu pag rugar alistu yi gid gumira.

Isikil 14:6

“Nakan taynguna, sabihi ti nasakupan Israil aku, ti Panginuun Diyus, magkun: Pag-ampu kamu ag bugyahi kanyu manga diyus-diyusan, ag tayaki ti tanan niyu mayagting pag manga buwat.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Libitiku 26:3

Nu sundun niyu kang manga surundanun ag manga sugu,

Sakaryas 8:7

Iribri niku kang manga nasakupan dinara-bihag sa manga daga sa butlakan ag sa isalpan.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Diyuturunumiyu 12:21

Nu arayu sa kanyu ti piliun Panginuun niyu Diyus pag rugar nu naan pag dayawun siya, mahimu kamu mag-iyaw kanyu manga baka, kambing, ngatay karanidu sa kanyu rugar. Ag angay sa kang pag-isugu sa kanyu, mahimu kamu magpakabusug sa pagkaun manga hayup ipinakaun Panginuun sa kanyu,

Diyuturunumiyu 12:5

bagkus ngap pagdangup kamu sa Panginuun niyu Diyus ag dayawa niyu siya sa piliun niya pag rugar ginan sa tanan sakup manga linahi Israil. Ati niyu pag sambaha ti Panginuun, dahil imaw tunda kay pinili pag rugar nu naan siya pagdayawun.

Diyuturunumiyu 30:1

“Nu mangyari sa kanyu inda pag manga bagay — ti manga papalad hanggan ti manga saad kang sinabi sa kanyu — ag maalaala niyu inda nu ati yi kamu sa manga nasyun nu naan pag ipinabihag kamu Panginuun niyu Diyus.