Nahum 3:11 - Hanunuu

¹¹ Katunda diman sa kanyu manga taga Ninibi, bumaliw kamu parihu sa langu unman may alam nu hintay ti magpangyari. Girahun diman kamu niyu kalaban ag manhanap kamu paratag-an sa balaw kamu madakup.

Nahum 3:11 Iomraidhean Croise

Kanta 75:8

Dahil ti Panginuun ti may hiyaput sa ungut punu magbura intus masyadu maisug imaw tunda kay pangagalit. Pagtigisun niya tunda, ag mag-inum ti tanan daut pag tawu sa kalibutan tugka sa matabu nida.

Isayas 2:10

Manga taga Israil, pagpalagiw kamu atag sa manga lukib ag manga kali hampay patagu sa pangagalit Panginuun hanggan sa kay kamaskihan.

Isayas 2:19

Malagiw ti manga tawu atabug sa manga lukib sa dirigun hanggan sa manga ukang daga, hampay patagu sa pangagalit Panginuun hanggan sa kay kamaskihan nu tandugun yi niya ti kalibutan.

Isayas 29:9

Kamu manga taga Huda, magpatalang-talang kamu ag magpabutaun. Paglangu kamu ag pagpasuruy-suruy, dapat balaw dahil sa intus.

Isayas 49:26

Ipakaun niku sa manga mag-api sa kanmu kanda sadili bilug, bumaliw ga langu sida sa sadili nida dugu. Bag-u maalaman tanan tawu aku, ti Panginuun, kanmu Manugribri hanggan Manugpalpas, ti Makamaskihan pag Diyus ni Hakub.”

Isayas 63:6

Sa kang pangagalit, tinat-an niku ti manga nasyun ag pinadampiray sida ga manga langu. Inuyang niku sa daga kanda dugu.”

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 51:57

Languhun niku kay manga pinunu, ti manga matinudukun pag manga tawu, ti manga takinan, ti manga kumandir, hanggan kay manga sundalu. Mahamuukan sida balaw yi mipulaw. Aku, ti Hari, ti magsabi inda. Panginuun Makamaskihan kang ngaran.”

Hirimyas 8:14

“Bag-u sabihun nida, ‘Unu waya ti pag-alagdun nita? Abala kamu, malagiw yi kita atabug sa manga inaladan batu pag banwa ag ati yi kita pag mamatay. Dahil pinihu yi kita mamatay Panginuun nita Diyus. Ga pinakan-an niya kita danum may hilu hampay inmun, dahil nagsalan kita sa kanya.

Husyas 10:8

Pandautun ti manga simbahan sa abwat pag manga rugar Abin, imaw ti pinun-an kasalanan manga taga Israil. Umarabwat ti dugihan pag manga ilamnun ag matabunan kanda manga harandugan. Bag-u sumabi sida sa manga bantud, ‘Tabuni kami!’ Ag sa manga tagudtud, ‘Rup-agi kami!’ ”

Amus 9:3

Una patagu waya sida sa katayungtungan Bantud Karmilu, hanapun niku sida ati ag dakpun. Una patagu waya sida sa sirung dagat, suguun niku ti ulay hampay kagtun sida.

Mikas 7:17

Manyapang sida sa daga ga ulay dahil sa masyadu pag kay-a. Pabulwat sida sa ukang daga pagtakigan sa dala sa kanmu, Panginuun nimi Diyus.

Nahum 1:10

Parihu kamu sa manga langu masabudan sa dugihan pag halaman. Rurisun gid kamu parihu sa magtutud dayami.

Nahum 2:1

Manga taga Ninibi, paggirahun yi kamu niyu manga kalaban manwayak sa kanyu. Nakan pabantayi niyu kanyu manga alad batu banwa hanggan diman kanyu manga dalan! Tipunun niyu kanyu manga sundalu ag humanda kamu sa paggira!

Lukas 23:30

Ati katpung pag manga sirang sumabi ti manga tawu sa manga bantud, ‘Tabuni kami!’ Ag sa manga tagudtud, ‘Rup-agi kami!’

1 Samwil 13:6

Pagka nakitan manga Israilita alangan kanda kahamtangan, napatagu sida sa lukib, sa manga basad mailamnun, sa manga batuhan, sa manga ukang hanggan sa tiripunan danum.

1 Samwil 14:11

Pagka nakitan sida duwa ati sa kampuhan manga Pilistiyu, rinminggit ti manga Pilistiyu, “Bantayi niyu ti manga Hibriyu! Magpabulwat yi sida ginan sa kanda paratag-an.”