Nahum 3:10 - Hanunuu

¹⁰ Dapat maaw binihag diman kay manga nasakupan ag dinara sa iba rugar. Pinanrunut kanda dariit manga anak sa manga dalan. Ginapus tarikada kanda bantug pag manga nasakupan ag hinuray hampay buwatun manga suruguun sa panab-anan lunggungan.

Nahum 3:10 Iomraidhean Croise

2 Hari 8:12

Pinaingana siya ni Hasail, “Duy, hayga nanlumi kawu?” Sinmagut siya, “Dahil alam niku ti daut buwatun nimu sa manga taga Israil. Sunugun nimu kanda alad batu manga banwa, panmatyun nimu kanda kalay-awan lalaki, ipanlapdus nimu kanda dariit pag manga anak, ag buk-un nimu ti tiyan manga magbuduy pag manga babayi.”

Hub 6:27

Hayga, matadlung aw lugud kamu? Magkabwat ngani niyu ti usa ka ilu buwatun usa ka suruguun, aw ngatay ipabili ti usa ka kakilala!

Kanta 137:8

Kamu pag manga mag-uli sa Babilunya, rurisun kamu! Mapalad ti manga tawu rumuris sa kanyu ga kanyu binwat sa kanmi.

Kanta 137:9

Mapalad sida ti bumuul sa kanyu dariit pag manga anak bag-u ihampak sa manga batu.

Kanta 149:8

sa pagtarikada sa kanda manga hari ag manga takinan,

Isayas 13:16

Kanda manga lapsag gutay-gutayun sa kanda atubangan. Pamul-un kanda manga kasiyunan sa kanda manga balay ag lugusun kanda manga asawa.

Isayas 13:6

Paglumi kamu, Babilunya, dahil arani yi ti sirang Panginuun, ti sirang pagguba Makamaskihan pag Diyus sa kanyu.

Isayas 19:4

Ipasakup niku sida sa usa ka mahigpit pag hari.” Tunda ngani ti pagsabihun Panginuun Makamaskihan.

Isayas 20:4

Dahil bihagun hari Asirya ti manga taga Ihiptu hanggan ti taga Itiyupya, anak man ngatay gurangun. Bihagun sida uba ag unman may lapak. Makitan kanda manga buli, ungud ngani mangay-a gid ti Ihiptu.

Karukuan 2:19

Pagbangun kamu sa yabi ag paghagad awat sa Panginuun. Ipadnug ti tanan niyu kabuyatan sa kanya, ga sa magbulus kamu danum. Ipaabwat kanyu manga kamang sa darangin para sa buhi niyu manga anak magkalipung sa lun-us sa manga karsada.

Karukuan 4:1

Ti manga nasakupan Hirusalim parihu sa lunsay gintu magpud-as ngatay sa mahalaga manga batu nagkarawayak sa manga karsada. Parihu sida kaybi sa mahalaga pag gintu, dapat kainda pagbaliwun sida ga manga anglit binuwat lang manug-anglit.

Isikil 29:7

Igu nanhiyaput sida sa kanmu nabka kawu, ag nabiyagan kanda manga takyay. Pagka napasalandig sida sa kanmu nabari kawu, nakan naplid sida ag nabari kanda barakang.

Husyas 13:16

Kailangan parusahan ti manga taga Samarya dahil sa kanda paglaban sa kangku, kanda Diyus. Magkaramatay sida sa labanan. Runutun kanda manga anak dariit, ag kanda manga kababayihan magbuduy ririan kay tiyan.”

Huwil 3:3

Nanlunggungan sida hampay huray-hurayun kang manga nasakupan, ipinabili nida panawuhun ti manga anak lalaki hanggan babayi hampay ibili intus bag-u ibayad sa babayi baraydan.

Amus 1:13

Inda ti pagsabihun Panginuun tungkul sa Amun: “Dahil sa parargu pagbuwat kasalanan manga taga Amun, parusahan gid niku sida. Dahil rinirian nida ti tiyan manga babayi magburuduy sa Gilyad, agud lang dumaka kanda sakup pag daga.

Ubadyas 1:11

Pinabay-anan lang niyu ti Hirusalim pagka ginira iba nasyun. Pinabay-anan lang niyu bul-un kanda manga kasiyunan ag inayaw-ayaw sa panab-anan lunggungan. Kamu ga manga kalaban diman Israil.