Nahum 2:8 - Hanunuu

⁸ Ti manga tawu magpalagiw ginan sa Ninibi ga danum lang magbulus ginan sa nabuswang tambung. Ti manga magpalagiw pagpabalikun nida manga kaibahan dapat unman yi gid may nagbalik.

Nahum 2:8 Iomraidhean Croise

Gimpuunan 10:11

Ginan sa ati pag manga rugar, nag-ati siya sa Asirya bag-u ipinatindug niya ti Ninibi, ti Rihubut Ir, ti Kala

Isayas 13:14

Ti manga day-uhan sa Babilunya malagiw ag bumalik tag sa kanda sadili banwa ga manga karasyaw pagbukadun. Muli sida ga manga karanidu unman may mag-alaga.

Isayas 38:14

Nanhagad aku awat hanggan tugka kang busis ga mag-uni wadi alipasang ngatay tagwak. Mag-arunghung aku ga mag-uni kalapati. Ti manga mata niku magkagasa yi sa pakatuturun atag sa tungud. Panginuun, awati nimu duy aku sa inda pagkakurian.

Isayas 47:13

Pagbudlayun yi kawu sa mayamu nimu paraan. Pagpaawat kawu sa kanmu manga tawuhan mag-adal tungkul sa manga pamgasan hanggan manughula kada bulan tungkul sa magpangyari sa kanmu.

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 59:11

Man-ngurub kita sa kakurian ga usu ag mandaghum ga manga kalapati. Pag-alagdun nita parusahan yi Diyus kanta manga kalaban ag iribri kita, dapat udwaya gid magkatupad.

Hirimyas 46:5

Dapat hintay inda ti nakitan niku? Magkadala kamu ag mag-usun. Natalu kamu ag maliksi nalagiw udyi lang mag-aliwliw dahil sa dala.

Hirimyas 47:3

Madnugan nida ti iringayan talagalpakan hanggan manga daguldul manga kabayu ag manga kalisa. Balaw yi mangaliwliw kay manga ama hampay awatan kanda manga anak dahil sa dala.

Hirimyas 50:16

Paighita niyu sa Babilunya ti manga magtanum ag mag-ani. Iribri niyu ti manga bihag sa baladaw manga kalaban ag papalagiwan niyu sida ag paulia sa sadili nida daga.

Hirimyas 51:13

Babilunya, abunda kawu sa danum ag abunda diman kawu sa kayamanan. Dapat rinmas-ug yi ti katapusan nimu, ti sirang nimu kadamhakan.

Hirimyas 51:30

Umapas ti manga sundalu Babilunya sa paglaban ag mamirmaminti yi lang sida sa kanda kampu. Manlumuy sida ga malumuy pag babayi. Mairub ti manga balay sa Babilunya ag madaut ti manga sabian.

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Nahum 3:17

Kanyu manga guwardiya hanggan manga takinan ga apan yi kay kayamu, mag-apun sa manga alad batu nu maramig ti panahun. Dapat nu magsinggit yi ti init, maglayang sida tag sa arayu ag unman may alam nu naan tabug sida.

Ipinakakit 17:1

Bag-u sa pitu ka anghil may dara pinggan malukung, ti usa nagpakarani sa kangku kay sinabi magkun, “Abala duy, ipakakit niku sa kanmu nu kabitay sintinsiyahan sa parusa ti bantug pag babayi uragin imaw yi ti pagkumnun banwa Babilunya nakasakup sa mayamu pag sapa.

Ipinakakit 17:15

Sinabi diman anghil sa kangku magkun, “Ti manga danum kanmu nakitan tinukawan babayi uragin, imaw yi ngani ti manga nasyun manga kayamuan tawu, manga tuhay-tuhay kanda pamagaw.