Nahum 2:2 - Hanunuu

² Dahil una kanyu rinuris ti Israil hanggan ti Huda parihu sa nagkaramatay manga pananum ubas, ibalik di Panginuun ti kapangyarihan Israil.

Nahum 2:2 Iomraidhean Croise

Kanta 47:4

Pinili niya para sa kanmi ti daga nimi maranahun, ti ipinadayaw niya pagmahalun si Hakub.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Hirimyas 25:29

Pag-umpisahan yi niku pagpadarahan kaparusahan ti Hirusalim, ti pinili niku pag banwa hampay sa kadayawan niku. Taynguna kanyu aw isip balaw niku kamu parusahan? Parusahan gid niku kamu! Dahil palabanun niku ti tanan nasyun sa buu kalibutan. Aku, ti Panginuun, ti magsabi inda.’

Hirimyas 48:11

Mahusay ti pangabuhi taga Muab ginan waya kaybi. Unman waya inda nakalakaw sa pagkabihag. Ga intus inda unman waya nagaraw ngatay nisalin sa usa ka sukadan. Nakan kay lasa ag hungaw inda balaw magkauman.

Hirimyas 49:9

Unman aw ti manga tagaputi ubas magtayak manga burak? Unman aw ti manga mananakaw magbuul lang diman una hintay kanda pagkaibgan?

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Isikil 37:23

Unman yi nida uringan kanda sadili sa panab-anan pagsamba sa kanda mayagting manga diyus-diyusan ngatay sa pagbuwat sa una hintay pag kasalanan. Dahil iribri niku sida sa tanan nida binwat kasalanan ag lumpiyuhun niku sida. Bumaliw nasakupan niku sida, ag aku kanda Diyus.

Husyas 10:1

“Ti manga taga Israil parihu sa tanum ubas malangba ag mayamu kay burak. Mintaras mag-abunda sida magyamu diman kanda pag-ipatindug manga harandugan, ag pagparinuun nida ti aramirawan pag manga batu kanda pagsambahun.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Nahum 3:14

Pag-alistu yi kamu sa pagras-ug niyu manga kalaban. Pagtipun yi kamu danum. Papag-unun niyu kanyu manga alad batu sa sangput niyu banwa. Pagbuwat kamu manga daga pinaganit ag kaayada niyu inda pag manga alad batu.

Sipanyas 3:11

“ ‘Sa ati pag sirang sa kang pagparusa, kamu pag manga taga Hirusalim balaw mangay-a sa manga binwat niyu pag kasalanan sa kangku. Dahil bul-un niku ginan sa kanyu ti manga magpalabaw-labaw ag magpayabang-yabang. Nakan unman yi may pumayabang ati sa kang banal pag bantud.