Nahum 2:10 - Hanunuu

¹⁰ Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Nahum 2:10 Iomraidhean Croise

Gimpuunan 1:2

Ti kalibutan unman waya may histuda, unman waya may imaw una hintay. Ti danum malantapan sa kalibutan nas-ub kadudulman. Ag ti Ispiritu Diyus mag-arayhay sa babaw danum.

Kanta 22:14

Nabul-an yi aku kabisugan; ga danum nauyang. Ti tanan niku but-ul ga naliw-as. Naduraan aku kabisugan, ga kandila magkaupud.

Isayas 14:23

Buwatun niku inda pangawakawaan, may mayamu lasaan, ag gub-un niku ga pinarisan. Aku, ti Panginuun Makamaskihan, ti magsabi inda.”

Isayas 21:3

Ti nakitan ag nasaydan niku sa kang pangakakitun nakapakaun gid masyadu pag kadalaan sa kangku. Nanarakit kang bilug, ga babayi magkakurian sa magpanganak.

Isayas 24:1

Pagpatingi kamu! Gubaun Panginuun ti kalibutan tugka sa udyi inda makinabangan ag kalatun niya kay manga nasakupan inda.

Hirimyas 30:6

May ipaingana aku sa kanyu. Mahimu aw manganak ti lalaki? Hayga mag-akitan niku ti manga lalaki magpanlapsi ag paghiyaptan kanda tiyan ga babayi magkaanak yi?

Hirimyas 49:23

Inda ti itinultul tungkul sa Damasku: “Nadala ti manga taga Hamat hanggan ti taga Arpad sa daut pag barita kanda nadnugan. Naaburidu ag nanlubay sida, bag-u unman yi makaagwanta parihu sa mahumbak pag dagat.

Hirimyas 51:62

Rargu pandarangin kawu, ‘Ungud Panginuun magkun duy kawu wasakun nimu inda pag rugar hampay unman may mangulian atay, una tawu ngatay hayup, ag bumaliw mapung-aw hanggan waya aban.’

Hirimyas 8:21

Magkaruku aku dahil sa nalakawan kakurian niku manga kasimanwa. Mag-amiraw aku ag magpamat-ungan gid.

Isikil 21:7

Nu mamaingana sida nu hayga kawu mag-arunghung, sabihi sida dahil sa barita makapalumuy nalub-anan, makapadala sa tanan tawu, makarilipung sa isip, ag makapatakig tuud sa kanda. Mangyari gid inda pag manga bagay udyi dumugay. Aku, ti Panginuun Diyus, ti magbagaw inda.”

Isikil 31:15

Parargu di gid ti pagbagaw Panginuun Diyus, “Rumas-ug ti sirang daran-un inda pag kayu sa rugar manga namatay, tabunan niku ti manga abasad pag manga bulbugan bilang tanda karukuan. Unman yi bumulus ti danum sa manga sapa hanggan unman yi may abunda pag danum. Dahil siyun, dumulum ti Libanun bag-u magkaralayung ti tanan kayu sa karatagan.

Danyil 5:6

Dahil siyun, tinakigan ag nanlapsi ti hari sa kadalaan.

Huwil 2:6

Ti manga tawu makakit sa kanda manlapsi sa dala.

Nahum 2:2

Dahil una kanyu rinuris ti Israil hanggan ti Huda parihu sa nagkaramatay manga pananum ubas, ibalik di Panginuun ti kapangyarihan Israil.

Nahum 3:7

Ti tanan makakit sa kanyu manlaklak ag sumabi, ‘Nadaut yi ti Ninibi. Unman may manlumi ngatay may mamasulung sa kanya.’ ”

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Huswi 2:11

Nadala kami pagka nabaritaan nimi inda ag naduraan kabisugan ti kada usa sa kanmi dahil sa kanyu. Dahil ti Panginuun niyu Diyus imaw ti Diyus sa langit hanggan sa daga.

Huswi 7:5

Linagas sida ginan sa puwirtahan banwa tugka sa Sibarim, manga 36 sa kanda ti nagkaramatay habang maglus-ug sida sa kabantudan. Nakan natalaw ti manga Israilita ag nadala sida.