Nahum 2:1 - Hanunuu

¹ Manga taga Ninibi, paggirahun yi kamu niyu manga kalaban manwayak sa kanyu. Nakan pabantayi niyu kanyu manga alad batu banwa hanggan diman kanyu manga dalan! Tipunun niyu kanyu manga sundalu ag humanda kamu sa paggira!

Nahum 2:1 Iomraidhean Croise

2 Krunika 25:8

Nu pakuyugun nimu sida sa labanan, matalu gid kamu una manlaban waya kamu mayad. Ti Diyus lang ti makapanalu ngatay makapatalu sa kanyu.”

Kanta 50:14

Ti kailangan niku pag handug kanyu pasalamat, ag ti pagtupad sa manga taratu niyu sa kangku, ti Kaabwat-abwatan pag Diyus.

Kanta 65:2

Ti tanan tawu pumakarani sa kanmu dahil pagsagtun nimu ti manga darangin.

Isayas 14:6

Sa kanda pangagalit balaw may apas kanda magpakuri sa manga tawu, masyadu nu mag-unuunu sa manga nasyun.

Isayas 29:7

Madura ga tagin-up ti mayamu pag nasyun maggira sa Hirusalim ag magpan-guba manga alad batu. Sida ga tawu magtagin-up magkaun, dapat ay pagka nipulaw magkalun-us diman, ngatay parihu sa tawu magtagin-up mag-inum, dapat ay pagka nipulaw magkauwaw diman.”

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 50:23

Ti Babilunya ga martilyu nagrunut manga nasyun, dapat taynguna siya yi ti narunut. Nakitan manga nasyun nu kabitay nawayak ti Babilunya!