Nahum 1:8 - Hanunuu

⁸ Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Nahum 1:8 Iomraidhean Croise

Hub 30:15

Masyadu gid kang kadalaan, nadura kang ikadayaw ag kayamanan parihu sa rurum pinayag mabisug pag durus.

Hub 40:11

Pakakitan kanmu masyadu pag pangagalit sa manga palabi-labihun sa panab-anan pagruris sa kanda. Ag wayaka ti manga daut sa kanda pagtindugan.

Kabagawan 4:19

Dapat ti pagpangabuhi daut pag manga tawu parihu sa kadudulman, unman nida alam nu hayga sida mag-idamhak.

Isayas 13:10

Udyi rumayaw ti manga pamgasan. Suminggit ti init dapat madlum diman, hanggan ti bulan unman diman mamakaun rayaw.

Isayas 13:9

Pagpatingi kamu! Rumas-ug yi ti sirang Panginuun, ti sirang kahigpitan ag masyadu pag pangagalit. Gubaun ti daga tugka sa udyi maulianan, ag ti manga mag-uli ati pag manga makasalanan rurisun.

Isayas 28:17

Buwatun niku panukat ti katadlungan. Ipapalid niku sa bagyu hanggan sa baha ti kapudilan pagsarigan niyu rumibri sa kanyu.

Isayas 28:18

Bumaliw unman may pulus kanyu kasunduan sa kamatayan hanggan kanyu kinasunduan sa rugar manga namatay. Dahil midamhak kamu nu rumas-ug ti manga kadautan ga baha.

Isayas 28:2

Pagpatingi kamu! Ti Panginuun may inalistu mabaskug ag makapangyarihan pag nasyun imaw ti manwayak sa Samarya. Parihu inda sa magpandaut pag bagyu ag sa magpaywas pag baha.

Isayas 8:22

aw ngatay mangusdung sa daga ud may makitan nu ud kakurian ag kadudulman. Ati sida pagdarahun sa masyadu pag kadudulman.

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Hirimyas 51:64

Ag sabihun nimu, ‘Katunda ti mangyari sa Babilunya, mitagbung ag udyi lumutaw waya dahil sa manga kadamhakan ipalakaw Panginuun sa kanya. Magkaramatay kay nasakupan niya.’ ” Inda ti uryan pag itinultul ni Hirimyas.

Isikil 13:13

“Nakan aku, ti Panginuun Diyus, magkun: Sa kang masyadu pag pangagalit, rup-agun niku ti manga alad batu sa panab-anan mabaskug pag bagyu, uran yilu ga manga batu, ag mabaskug pag uran.

Danyil 11:10

“Manipun mayamu pag sundalu ti manga anak hari Sirya hampay mangalistu sa paglaban. Ti usa sa kanda man-gira ga baha balaw maampara. Man-gira siya tugka sa may alad batu banwa hari Ihiptu.

Danyil 11:22

Mayamu pag kalaban sundalu kay matyun hanggan yi ti pangulu manughandug.

Danyil 11:40

“Sa uryan panahun, lumaban ti hari Ihiptu sa hari Sirya. Dapat girahun siya hari Sirya may manga kalisa ag manga manugkabayu hanggan mayamu manga barku. Girahun niya ga baha ti kayamuan nasyun ag panmatyun.

Danyil 9:26

Pagkalawuy 434 ka timpu, matyun ti pinili Diyus pag takinan ag unman may mangawat sa kanya. Rumas-ug ti usa ka hari ag dautun niya manga tawuhan ti banwa hanggan ti Balay Diyus. Ag angay sa itinagka Diyus, ti pagwayak ag paggira pumarargu tugka sa katapusan. Ti katapusan rumas-ug ga baha.

Amus 8:8

Dahil siyun, palinugun niku kanyu daga ag manlulumian kamu. Matandug gid masyadu kanyu daga, parihu sa pag-awas ag paghubas Sapa Nilu sa Ihiptu.

Nahum 1:1

Ti tultulanun sa inda pag ribru tungkul sa Ninibi. Inda ti ipinasandam Panginuun sa kan Nahum taga Ilkus.

Nahum 2:8

Ti manga tawu magpalagiw ginan sa Ninibi ga danum lang magbulus ginan sa nabuswang tambung. Ti manga magpalagiw pagpabalikun nida manga kaibahan dapat unman yi gid may nagbalik.

Sipanyas 2:13

“Parusahan diman niku ti manga taga Asirya sa kanaway. Bumaliw ga pangawakawaan ti Ninibi, mauga parihu sa tigangan.

Matiyu 7:27

Pagka inmuran mabisug ag binmaha, ag hinmamapak ti mabisug pag bagyu sa balay, nagba inda ag lubus nawayak.”

Matiyu 8:12

Dapat mayamu sa manga linahi ni Israil manga sakup mana sa kaharian Diyus tulakun ngap tag sa luwas sa kaduluman. Ati aban sida manlulumian ag man-ngararutan kanda manga ngipun.”

1 Samwil 2:9

Paggiyahan niya kay manga masururundun pag manga nasakupan, dapat ti manga magbuwat daut kay rurisun. Unman may pumanalu sa panab-anan sadili kabisugan.