Nahum 1:6 - Hanunuu

⁶ Hintay waydi ti umagwanta sa kay masyadu pag pangagalit? Nu magkagalit siya ga magbuga siya apuy, una manga batu magkarapugdak sa kay atubangan.

Nahum 1:6 Iomraidhean Croise

1 Hari 19:11

Binmagaw ti Panginuun, “Pagluwas kawu ag pagtindug sa babaw bantud sa kang atubangan, dahil lumawuy aku.” Bag-u may linmawuy mabaskug pag durus ginmini ti manga bantud ag nanrunut sa manga batu, dapat unman lagan ti Panginuun sa durus. Pagkalawuy durus, linminug, dapat unman diman lagan ti Panginuun sa linug.

Hub 26:11

Sa kay pagtamyaw magkahalu ti manga tulduk langit.

Hub 40:11

Pakakitan kanmu masyadu pag pangagalit sa manga palabi-labihun sa panab-anan pagruris sa kanda. Ag wayaka ti manga daut sa kanda pagtindugan.

Hub 9:5

“Unman may kahintay-hintay pagtandugun niya ti manga bantud ag magkarup-ag inda sa kay pangagalit.

Kanta 130:3

Panginuun, nu pag-ilista nimu kanmi manga kasalanan, si unu nguna ti masawad sa kanmu atubangan?

Kanta 2:12

Sunda niyu kay pinili pag hari, dahil nu unman, barang kadaka mangisug siya ag rargu ipadamhak niya kamu. Mapalad ti kada tawu maghagad awat sa Panginuun.

Kanta 76:7

Diyus, pagkadalaan kawu. Si unu nguna ti makaagwanta sa kanmu nu magalit kawu?

Kanta 76:8

Ginan sa langit magsintinsiya kawu. Nadala sa kanmu ti manga tawu sa kalibutan ag nanahimik sida

Kanta 90:11

Balaw may nakalakaw kanmu lubus pangagalit. Ag habang magdugang kanmi naalaman sa kanmu pangagalit magdugang diman kanmi paggalang sa kanmu.

Isayas 10:16

Nakan mamadara sakit ti Makamaskihan Panginuun, imaw ti pumalumuy sa makurasug pag sundalu Asirya. Irubun Panginuun ti manga kayamanan niya sa maglabdaban pag apuy.

Isayas 13:13

Tandugun niku ti langit hanggan ti kalibutan. Aku, ti Panginuun Makamaskihan, buwatun niku inda sa sirang ipakakit niku kang masyadu pag pangagalit.”

Isayas 27:4

Balaw yi aku magkagalit sa inda pag ubasan. Dapat sa udas may makitan aku manga halaman may dugi, bul-un niku tida ag sunugun.

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Hirimyas 10:10

Dapat ti Panginuun imaw ti tutuu pag Diyus. Siya ti buhi pag Diyus ag Hari unman may katapusan. Nu magkagalit siya magkatandug ti kalibutan, unman may nasyun makapadugay sa masyadu gid pag galit niya.

Karukuan 2:3

Sa masyadu niya pangagalit dinura niya ti tanan kapangyarihan sa Israil. Unman niya inda inawatan pagka dinugma kalaban. Parihu siya sa apuy mag-irub sa manga linahi ni Hakub ag sa tanan manga bagay sa kanda kalibut.

Karukuan 2:4

Ipinatuyang niya kay pamana sa kay nasakupan, ga kay kalaban. Pinanmatay niya ti tanan pagmahalun niya nasakupan. Ipinasamit niya kay masyadu pangagalit ga apuy sa manga nasakupan Hirusalim.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 21:31

Ipasamit niku sa kanyu kang masyadu pag pangagalit, ag ipahintulut niku kamu sa maraisug pag manga tawu, anad sa pagpanmatay.

Isikil 30:16

Sunugun niku ti Ihiptu! Man-arunghung sa sakit ti Pilusiyum. Midamhak ti Tibis, ag pirmi madala ti Mimpis.

Isikil 39:6

Sunugun niku ti Magug hanggan ti manga nasyun arani sa dagat, kay manga nasakupan inda magpangabuhi unman may pagkadalaan kadilikaduhan. Bag-u maalaman nida aku ti Panginuun.

Isikil 7:8

Udyi dumugay iparanas yi niku sa kanyu kang masyadu pag pangagalit. Pihuun niku kamu angay sa kanyu manga buruwatun. Pabayadun niku kamu sa tanan niyu mayagting pag binwat.

Nahum 1:2

Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Sipanyas 2:2

bag-u rumas-ug ti itinagka pag sirang palayasun kamu ag ipayag parihu sa upa. Pag-ampu yi kamu bag-u rumas-ug ti sirang ibuhus Panginuun kay masyadu pag pangagalit.

Malakyas 3:2

Dapat si unu lugud ti umagwanta sa sirang niya pagras-ug? Si unu lugud ti umagwanta nu manpakakit yi siya? Dahil parihu siya sa apuy magtunaw sa baul ngatay parihu sa sabun magpalagti. Lumpiyuhun niya ti manga manughandug manga lahi ni Libi parihu sa magtunaw pilak ag gintu, hampay bumaliw matadlung kanda buhi sa kanda maghandug sa Panginuun.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Ipinakakit 16:1

Nadnugan niku ti daka pag bagaw ginan sa sulud Balay Diyus magsugu sa pitu ka anghil magkun, “Pag-ati yi kamu, buhusan niyu sa daga ti pangagalit Diyus ginan sa basad pitu ka pinggan malukung.”

Ipinakakit 16:8

Ibinuhus maan ikap-at pag anghil kay sukad ginan sa kay pinggan malukung atag sa init. Bag-u pinakan-an kamaskihan ti init hampay sunugun masyadu pag init ti manga tawu.

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”