Nahum 1:3 - Hanunuu

³ Balaw siya madali magkagalit, dapat makamaskihan gid siya ag pihu parusahan niya ti nagkasala. Nu maglakaw siya maghagunung ga bagyu mabaskug. Ti manga rurum ga galbuk lang mag-asbuk sa kay manga lulud.

Nahum 1:3 Iomraidhean Croise

2 Samwil 22:10

Binukasan nimu ti langit ag dinmugsun kawu, bag-u tinmata kawu sa magal-um pag rurum.

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Hub 10:14

bantayan nimu aku nu sumalan, bag-u balaw nimu aku patawadun.

Hub 38:1

Bag-u nagsagut ti Panginuun sa kan Hub ginan sa buhawi,

Hub 9:4

Madunung ag makamaskihan gid ti Diyus. Si unu lugud ti nanlaban sa kanya nanalu?

Kanta 103:8

Mabuut siya ag maawaun; mapagmahal siya ag balaw madali magalit.

Kanta 104:3

Pag-ipatindug nimu kanmu ulian sa tungud waya kalayawan. Binwat nimu ti manga rurum kanmu kalisa sarakyan, ag magsakay kawu pag-ipayag durus.

Kanta 145:8

Panginuun, maawaun kawu ag mainawatun; mapagmahal kawu ag balaw madali magalit.

Kanta 147:5

Makamaskihan gid kanta Panginuun; kay kadunungan unman may katugkaan.

Kanta 50:3

Rumas-ug ti Diyus ag balaw siya manahimik lang. Sa kay unahan may maglabdab pag apuy ag sa kay sangput may mabisug pag bagyu.

Kanta 62:11

Balaw lang kas-a nasaydan niku magkun ti Diyus sa kanya ti kapangyarihan ag ti pagmahal.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isayas 29:6

Ti Hirusalim alalahanun niku, ag aku, ti Panginuun Makamaskihan, rumas-ug may linti, may linug, may ingay, may buhawi, may bagyu, ag maglabdaban pag apuy.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Hirimyas 4:13

Bantayi niyu! Magras-ug ti manga kalaban nita ga manga rurum. Kay manga kalisa niya ga buhawi kay manga kabayu niya maliksi waya kaysa manga agila. Kaawaawa gid kita! Inda yi kanta katugkaan!

Danyil 7:13

“Bag-u nakitan niku ti ga anyu tawu sinangputan rurum. Nagpakarani siya sa Diyus Buhi unman may Katapusan.

Husyas 8:7

“Parihu lang sida ga magpamgas durus ag mag-ani buhawi. Parihu diman sa tirigu unman may uhay, unman inda makapakaun karan-unun. Una waydi mamurak, iba nasyun di waydi ti kumaun.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Sakaryas 9:14

Pumakakit ti Panginuun sa tungud niya nasakupan. Mangislap kay ugyung parihu sa kilat. Patunugun Panginuun Diyus ti budyung, ag rumas-ug siya kaibahan bagyu ginan sa kanaway.

Bilang 14:18

magmahal kawu ag balaw madali magkagalit, mapinatawadun sa kasalanan ag paglabag manga tawu. Dapat pagparusahan nimu ti manga nagkasala tugka sa ikatlu ag ikap-at pag sinulput.

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Santiyagu 1:19

Manga mahal niku pag manga patar-ari, tandai niyu inda pag bagaw: kada tawu pagpaanad sa magpatingi, danga susun magsagut. Danga hanggan rargu magkagalit.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.