Nahum 1:2 - Hanunuu

² Balaw magkaibug ti Panginuun Diyus mansamba ti manga tawu sa tuhay pag manga diyus. Galit siya sa kay manga kalaban ag balusan niya sida.

Nahum 1:2 Iomraidhean Croise

Hub 20:23

Pakurianan gid siya Diyus. Pasamitan siya Diyus kay subra niya pag pangagalit, ag pauranan niya parusa.

Kanta 94:1

Panginuun, kawu ti Diyus magbalus; pakakitan kanmu pangagalit.

Pag-ighit 20:5

Danga gid niyu inda pagsirbihi ngatay sambahun, dahil aku, ti Panginuun niyu Diyus, balaw gid magkaibug may pagsambahun kamu tuhay. Pagparusahan niku ti manga magkasala sa kangku, hanggan kay manga anak tugka sa ikatlu ag sa ikap-at pag sinulput manga magdayu sa kangku.

Pag-ighit 34:14

Danga gid kamu magsamba sa tuhay pag manga diyus dahil aku, ti Panginuun, dayu may pagsambahun kamu tuhay.

Pag-ighit 34:7

Pag-ipakakit niku kang pagmahal sa mayamu tawu, ag pagpatawadun niku kanda kadautan, hanggan paglabag ag kasalanan. Dapat pagparusahan niku ti manga magkasala, hanggan yi kanda lahi tugka sa ikatlu ag ikap-at pag sinulput.”

Isayas 42:13

Gumira ti Panginuun ga usa ka sundalu alistu yi gid lumaban. Manringgit siya bilang pasandam girahan yi, ag manalu siya sa kay manga kalaban.

Isayas 51:17

Hirusalim, pagbangun kawu! Ti pangagalit Panginuun ga intus ininum nimu tanan tugka kawu sa magpasuray-suray sa langu.

Isayas 51:20

Magpanlulubay sida ag mag-iribugtang sa manga baklayan. Parihu sida sa karasyaw nasduk sa lambat. Nakalakaw sida masyadu pag pangagalit Panginuun; sinungyaw sida Diyus.

Isayas 66:15

Pagpatingi kamu! Rumas-ug ti Panginuun may dara apuy. Sumakay siya sa kay kalisa pan-gira parihu sa buhawi. Ipakakit niya kay galit sa kay manga kalaban, ag parusahan niya sida maglabdaban pag apuy.

Hirimyas 25:15

Magkun sa kangku ti Panginuun, ti Diyus Israil, “Bul-a nimu sa kang kamang ti ungut punu pangagalit niku, ipainum nimu sa tanan nasyun nu naan tag kawu pag-ipadara niku.

Hirimyas 28:8

Ti manga purupita inmuna sa kanta magsabi kaybi kuntay rumas-ug ti girahan, lun-us, ag sakit sa mayamu pag nasyun hanggan sa manga bantug pag kaharian.

Hirimyas 3:5

Pirmi yi lang aw kawu magkagalit sa kangku? Tugka kapira waya duy kawu pag magalit sa kangku?’ Inda ti pagsabihun niyu, dapat pagbuwatun diman niyu ti tanan daut pagburuwatun.”

Hirimyas 36:7

Barang abi sa panab-anan inda pumakarani sida sa Panginuun ag patlikudan nida ti daut nida pag-ugali. Dahil pinakan-an yi sida pasandam Panginuun kuntay sida parusahan niya dahil sa masyadu niya pag galit sa kanda.”

Hirimyas 4:4

Lumpiyuha niyu kanyu manga tagipusuun sa atubangan Panginuun, kamu pag manga taga Huda ag taga Hirusalim, dahil nu balaw katida malakawan niyu ti isug niku ga apuy unman magkapsa dahil sa binwat niyu pag kadautan.

Hirimyas 50:15

Paghuyaw kamu laban sa kanya sa tanan pag rugar! Bantayi niyu! Nag-ampu yi ti Babilunya! Magkawayak yi kay manga bantayaw ag nagkarapugdak yi ti manga alad batu niya. Ti Panginuun ti nagbalus sa kanya. Nakan balusan niyu siya ag buwatun niyu sa kanya ti binuwat niya sa iba.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 36:6

“Nakan anak tawu, pagbagaw kawu sa daga Israil. Sabihi ti manga bantud, manga tagudtud, manga luung hanggan manga karatagan kuntay aku, ti Panginuun Diyus magkun: Inagwanta niyu ti pagpakay-a manga nasyun sa palibut niyu. Nakan sa masyadu niku pangagalit aku, ti Panginuun Diyus, magsumpa kuntay mangay-a diman tunda pag manga nasyun.

Isikil 38:18

Dapat Gug, sa tunda pag sirang indaay ti mangyari sa kanmu: Nu girahun yi nimu ti Israil, magalit gid aku. Aku, ti Panginuun Diyus ti may sabi inda.

Isikil 38:19

Ag sa masyadu niku pangagalit, pag-isumpa niku manlinug mabaskug sa daga Israil.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Isikil 5:13

“Nu mangyari yi inda madura yi kang masyadu pag pangagalit sa kanyu, ag makabalus yi aku. Nu maipasamit yi niku sa kanyu kang pangagalit, maalaman niyu aku, ti Panginuun, nagpakihampang sa kanyu dahil sa kang masyadu pag pangagalit sa kanyu.

Isikil 6:12

Ti manga ati sa arayu mamatay sa sakit. Ti asan sa arani mamatay sa girahan. Ag ti masawad mamatay sa lun-us. Sa inda pag paraan maungdan nida kang pangagalit sa kanda.

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Huwil 2:18

Mapinasunaidun gid ti Panginuun sa kay banwa, ag magkaawa siya sa kay nasakupan.

Libitiku 26:28

sa kang pangagalit labanan niku kamu bag-u parusahan pitu waya gid ka bisis.

Mikas 5:15

Sa kang masyadu pangagalit, bumalus aku sa manga maglaban sa kangku pag nasyun.”

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Sakaryas 1:14

Ag magkun sa kangku ti anghil sabihun niku inda pag manga sinabi Panginuun Makamaskihan: “Magkaawa gid aku sa Hirusalim pag-ingarnan diman Siun,

Bilang 25:11

“Bin-ul ni Piniis anak ni Iliyasar laki ni manughandug Aarun ti pangagalit niku sa manga Israilita, dahil parihu siya sa kangku magkagalit gid sa kasalanan. Nakan unman niku tinabu minatay ti manga Israilita, buwatun mana niku tunda sa kanda dahil sa kang pangagalit.

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Ruma 13:4

Dahil sida manga suruguun Diyus sa ikamayad nimu. Dapat ay madala kawu nu magbuwat daut, dahil sida tutuu gid may karampatan magparusa. Sida manga suruguun Diyus, hampay parusahan nida ti manga magbuwat daut.

Diyuturunumiyu 4:24

Balaw gid siya magkaibug nu may pagsambahun kamu tuhay pag diyus. Dahil ga apuy kay maghirut nu magparusa ti Panginuun niyu Diyus.

Diyuturunumiyu 7:10

Dapat ti manga unman magmahal sa kanya parusahan gid niya ag ipadamhak.

Hibriyu 10:30

Nakilala waydi nita ti may sabi magkun, “Bahala aku magganti, aku ti pumarusa.” Siya diman waydi ti may sabi magkun, “Pihuun Panginuun aban ti daut ti mayad sa kay nasakupan.”

Huswi 24:19

Magkun si Huswi sa manga tawu, “Unman kamu makasirbi sa Panginuun dahil banal siya pag Diyus ag balaw niya gustu may pagsambahun kamu tuhay. Unman niya baliwalaun kanyu maralaban ag manga kasalanan.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.